Lavarow Koth 20:22 - An Bibel Kernewek 20234 (Kernewek Kemmyn)

²² Na lavar, ‘My a attal drog’; gorta an Arloedh hag ev a'th saw.

Lavarow Koth 20:22 ပူးပေါင်းရင်းမြစ်များ

2 Samuel 16:12

Martesen an Arloedh a wel ow galar hag attyli dhymm gans da yn le y volleth hedhyw.’

Salmow 27:14

Gwra fydhya y'n Arloedh; bydh nerthek ha bedhes dha golonn konfortys; ha gorta an Arloedh.

Salmow 37:34

Trest y'n Arloedh, ha syns y fordh ev, hag ev a'th ughelha dhe erita an tir; pan vo an debeles treghys dhe-ves, ty a'n wel.

Salmow 37:40

Ha'n Arloedh a weres dhedha, ha'ga difres; ev a's difres a'n debeles, ha'ga selwel, rag i a hwila skovva ynno.

Lavarow Koth 17:13

Mar attal nebonan drog rag da, nyns a drog nevra dhiworth y ji.

Lavarow Koth 19:11

Skians da a wra den lent dhe serri, hag yth yw glori dhodho skonya a aswonn kammwrians.

Lavarow Koth 20:21

Eretons kevys yn uskis y'n dalleth, ny vydh bennath war y dhiwedh.

Lavarow Koth 24:29

Na lavar, ‘My a dhyght den arall par dell y'm dyght, my a attal dhodho herwydh y weythres orthiv.’

Ysay 40:31

mes an re a worta an Arloedh a nowydhha aga nerth. I a yskynn gans eskelli avel eryon; i a boen heb bos skwith, i a gerdh heb klamdera.

Levitikus 19:18

Ny wre'ta diella, na berthi envi erbynn fleghes dha bobel, mes ty a gar dha gentrevek kepar ha ty dha honan. An Arloedh ov vy.

Matthew 5:39

Mes my a lever dhywgh, Na sevewgh erbynn neb yw drog, saw piwpynag a'th wesko war dha vogh dhyghow, treyl dhodho hy ben ynwedh;

Dewteronomi 32:35

Dial yw dhymm, hag attal, yn termyn may hwra aga throes trebuchya; rag ogas yw dydh aga therroes, ha'ga thenkys a fisten dhedha.

1 Thessalonianys 5:15

Gwaytyewgh nag attallo denvyth drog rag drog, mes pup-prys siwyewgh an pyth yw da, an eyl rag y gila, ha rag pub den oll.

1 Peder 2:23

Pan veu drokhenwys, ny dhrokhenwis yn attal. Pan wodhevis, ny vraggyas, mes yth omgommyttyas dhe neb a vreus yn hwiryon.

1 Peder 3:9

heb attyli drog rag drog na despit rag despit, mes yn le henna bennath, rag dhe henna y fewgh hwi gelwys, may hwrellewgh erita bennath.

1 Peder 4:19

Ytho, an re a wodhev war-lergh bodh Duw, gwrens i kemmynna aga enev dhe Greador lel, ow kul dader.

1 Samuel 25:13

Yn-medh Davydh dh'y wer, ‘Kelmewgh agas kledhedhyow warnowgh, hwi oll.’ Ytho pub gour a golmas y gledha warnodho; Davydh ynwedh a golmas y gledha warnodho; hag a-dro dhe beswar kans gour eth yn-bann war-lergh Davydh, ha dew kans a wortas gans an fardellow.