Lavarow Koth 2:6 - An Bibel Kernewek 20234 (Kernewek Kemmyn)

⁶ Rag an Arloedh a re furneth, a'y anow y teu godhvos ha konvedhes,

Lavarow Koth 2:6 ပူးပေါင်းရင်းမြစ်များ

1 Myghternedh 10:24

Oll an bys a hwila lok Solomon rag klewes y furneth, re worrsa Duw yn y vrys.

1 Myghternedh 3:12

my a wra lemmyn herwydh dha er. Yn tevri, my a re dhis kolonn fur ha meur hy honvedhes; nyns esa denvyth avellos a-ragos ha ny sev denvyth avellos war dha lergh.

1 Myghternedh 3:9

Ro dhe'th was ytho kolonn a yll konvedhes rag barna dha bobel ha dissernya yntra da ha drog; rag piw a yll barna dha bobel mar veur ma?’

1 Myghternedh 4:29

Duw a ros dhe Solomon furneth veur, konvedhes ha helder kolonn, kepar ha'n tewes war an vorlann,

1 Kroniklys 22:12

Re wrontyo an Arloedh dhis furneth ha konvedhes may hwitthi lagha an Arloedh dha Dhuw pan re ev dhis charj war Ysrael.

Ezra 7:25

Ha ty, Ezra, herwydh furneth dha Dhuw, usi yn dha leuv, orden justisyow ha breusysi, a yll breusi oll an dus usi y'n rannvro Dres-an-Avon, oll an re a aswonn laghys dha Dhuw; ha dyskewgh neb na's aswonn.

Nehemia 7:5

Ow Duw a worras y'm kolonn dhe guntell war-barth an ugheloryon ha'n soedhogyon ha'n bobel, may fens reknys herwydh aghskrif. Ha my a gavas kovlyver aghskrif a'n re neb a dheuth yn-bann kynsa, ha my a gavas skrifys ynno:

Job 12:13

‘Yma furneth ha galloes gans Duw, yma dhodho kusul ha konvedhes.

Job 12:16

Ganso yma nerth ha doethter; dhodho yma an den toellys ha'n den a doell.

Job 22:22

Degemmer dyskans dhiworth y anow, ha gorr y eryow y'th kolonn.

Job 32:8

Mes yth yw spyrys yn mab-den, anall an Ollgalloesek, a re dhodho furneth.

Salmow 119:104

Dre dha arghadowyow my a gyv skentoleth; rakhenna my a gas pub drog hyns.

Salmow 119:34

Gwra dhymm konvedhes, ha my a with dha lagha; devri my a'n syns a leun golonn.

Salmow 119:98

Dre dha worhemmynnow ty re'm gwrug furra ages ow eskerens, rag ymons i genev bynitha.

Salmow 19:7

Lagha an Arloedh yw perfydh, ow kul dhe'n enev dasvewa; dustuniow an Arloedh yw sur, ow ri furneth dhe'n re sempel.

Salmow 19:8

Arghadowyow an Arloedh yw ewn, ow lowenhe an golonn; gorhemmynn an Arloedh yw pur, ow ri golow dhe'n dhewlagas.

Salmow 51:6

Otta, hwansek osta dhe wirder y'n rannow a-bervedh, hag yn-dann gel ty a dhysk dhymm furneth.

Salmow 94:10

Po neb a geredh an kenedhlow, a ny gesk? Ev neb a dhysk godhvos dhe vab-den, a ny woer?

Eksodus 31:3

ha my re'n lenwis gans spyrys Duw, gans furneth ha konvedhes, gans skians hag oll kreftweyth,

Lavarow Koth 6:23

Rag an gorhemmynn yw lugarn ha'n dyskans yw golow, ha'n reprevow a dhyskybleth yw an fordh a vewnans,

Ekklesiastes 2:26

Rag dhe neb yw plegadow dhodho, Duw a re furneth ha godhvos ha plesour, mes dhe'n peghador ev a re an oberenn a guntell ha bernya rychys hag ena dhe ri an keth henna dhe biwpynag a vo plegadow dhe Dhuw. Hemma ynwedh yw euveredh ha chasya war-lergh an gwyns.

Ysay 54:13

Oll dha vebyon a vydh dyskys gans an Arloedh, ha meur vydh kres dha fleghes.

Ysay 8:20

rag dyskans ha dustuni?’ Yn sur mar leverons yndella, henn yw rag ny's teves golow banna.

Daniel 1:17

Dhe'n peswar mab ma, Duw a ros dyskans ha skians yn pub lyenn ha furneth; ha Daniel a gonvedhi pub gwelesigeth ha hunros.

Daniel 2:21

Ev a dreyl an prysyow ha'n sesonyow; ev a remov myghternedh ha sevel myghternedh; ev a ro furneth dhe'n re fur, ha godhvos dhe'n re a woer konvedhes.

Daniel 2:23

Dhiso jy, A Dhuw ow thasow, y hwonn gras, ha'th wormel, rag re resys dhymm furneth ha galloes, ha lemmyn ty re dhisplegyas dhymm an pyth a wovynnsyn dhiworthis, rag ty re dhisplegyas dhyn mater an myghtern.’

Luk 21:15

rag my a re dhywgh ganow ha furneth ma na yll oll agas erbynnoryon sevel er agas pynn na'gas kontradia.

Yowann 6:45

Skrifys yw y'n brofoesi, “Hag i oll a vydh dyskys gans Duw.” Seul a woslow orth an Tas ha dyski anodho, a dheu dhymmo vy.

Jamys 1:17

Pub ro da ha pub ro perfydh a dhiyskynn dhiworth a-wartha, ow tos yn-nans dhiworth an Tas a wolowys ha nyns eus chanj na skeus treylyans ganso.

Jamys 1:5

Mes mar fyll furneth dhe nebonan ahanowgh, govynnes ev orth Duw a re dhe bub den yn hel, heb keredhi, hag y fydh res dhodho.