Lavarow Koth 19:17 - An Bibel Kernewek 20234 (Kernewek Kemmyn)

¹⁷ Neb yw grassyes orth an voghosogyon a re kendon dhe'n Arloedh, hag ev a re dhodho attal y ober.

Lavarow Koth 19:17 ပူးပေါင်းရင်းမြစ်များ

2 Samuel 12:6

res yw ev dhe dhaskorra an oenes pedergweyth, drefenn ev dhe wul hemma, ha drefenn nag esa dhodho truedh vyth.’

Salmow 41:2

An Arloedh a'n gwith hag a'n bewha; gwynnvys vydh ev war an nor. Ha ny'n delivrydh dhe vodh y eskerens.

Salmow 72:13

Ev a gemmer truedh a'n den gwann ha'n den edhommek, hag ev a selow enevow an edhommogyon.

Lavarow Koth 12:14

A froeth y anow gour a gyv y walgh a dhader, hag ober diwleuv den a vydh attylys dhodho.

Lavarow Koth 14:21

Neb a dhispres y gentrevek yw peghador, mes gwynn y vys neb yw kuv orth an voghosogyon.

Lavarow Koth 14:31

Neb a arwask den boghosek a arvedh y Wrier, mes neb yw kuv dhe'n voghosogyon a'n enor.

Lavarow Koth 22:9

Neb yw hel a vydh benniges rag ev a re a'y vara dhe'n boghosek.

Lavarow Koth 28:27

Neb a re dhe'n voghosogyon, ny'n jevydh edhomm, mes neb a gudh y dhewlagas a'n jevydh mollothow pals.

Lavarow Koth 28:8

Neb a voghha y rychys der oker ha moghheans a'n kuntell a-barth den arall a vydh hegar dhe'n voghosogyon.

Ekklesiastes 11:1

Dannvon dha vara war enep an dowrow, ha ty a wra y dhaskavoes wosa lies dydh.

Ekklesiastes 11:2

Ro rann a'th pythow dhe seyth po dhe eth, rag ny wodhesta py par happ drog y fydh y'n nor.

Matthew 25:40

Hag y hwra an Myghtern gorthybi ow leverel dhedha, “Yn hwir y lavarav dhywgh, par dell y'n gwrussowgh dhe onan a'n lyha a'm breder ma, dhymmo vy y'n gwrussowgh.”

Luk 6:38

Rewgh, hag y fydh res dhywgh. Musur da, gweskys yn-nans, shakys war-barth, gorlenwys, a worrons yn agas askra; rag gans an musur may fusurowgh y fydh musurys arta dhywgh.’

Dewteronomi 24:19

Pan vysydh dha drevas y'th wel, hag ankevi manal y'n gwel, na dhehwel dh'y hemmeres; hi a vydh dhe'n alyon, dhe'n omdhivas ha dhe'n wedhwes, rag ma'th vennikko an Arloedh dha Dhuw yn oll ober dha dhiwleuv.

Filippianys 4:17

Nyns yw my dhe hwilas an ro; mes my a hwila an frut owth ynkressya dh'agas reken.

Ebrowyon 6:10

Rag nyns yw Duw kammhynsek owth ankevi agas ober ha'n gerensa a dhiskwedhsowgh a'y wovis ev ow servya an syns, ha dell wrewgh hwath lemmyn.