Lavarow Koth 19:16 - An Bibel Kernewek 20234 (Kernewek Kemmyn)

¹⁶ Neb a with an gorhemmynn a with y enev; neb a dhispres y fordhow a verow.

Lavarow Koth 19:16 ပူးပေါင်းရင်းမြစ်များ

Job 5:2

Yn sur sorr a ladh an foll, hag avi a ladh an sempel.

Salmow 103:18

dhe seul a syns y gevambos hag a berth kov a'y arghadowyow, orth aga hollenwel.

Lavarow Koth 13:13

Neb a skorn an ger a dheg diswrians warnodho y honan, mes neb a berth own a'n gorhemmynn a'n jevydh gober.

Lavarow Koth 15:32

Neb a skorn dyskybleth a omdhispres, mes neb a woslow orth keredh a gyv konvedhes

Lavarow Koth 16:17

Fordh-veur an dus ewnhynsek a dreyl dhiworth drog; neb a woel war y fordh a with y enev.

Lavarow Koth 21:16

Neb a wander dhiworth an fordh a gonvedhes a wra powes yn kuntelles spyrysyon an re varow.

Lavarow Koth 21:23

Neb a with y anow ha'y daves a with y enev orth troblow.

Lavarow Koth 22:5

Yma dreyn hag antylli yn fordh an den treus; neb a omwith a sev pell dhiworta.

Lavarow Koth 29:18

Le ma nag eus profoesa, an bobel a dewl fronn dhe-ves, mes gwynn y vys neb a with an lagha.

Lavarow Koth 3:1

Ow mab, na ankov ow dyskans, gas dhe'th holonn gwitha ow gorhemmynnow;

Ekklesiastes 12:13

Diwedh an mater, wosa klewes pup-tra, yw hemma: Porth own a Dhuw, ha gwith y worhemmynnow, drefenn bos hemma dever pub den oll.

Ekklesiastes 8:5

Piwpynag a wittho gorhemmynn, an keth henna ny wra perthi drog vyth, ha kolonn den fur a woer ha'n prys gwiw ha'n fara gwiw.

Yeremia 7:23

Mes an dra ma a worhemmynnis dhedha, ow leverel, ‘Bedhewgh gostydh dhe'm lev, ha my a vydh agas Duw, ha hwi a vydh ow fobel; ha kerdhewgh yn oll an fordhow may hworhemmynnis dhywgh, may fo yn ta genowgh.’

Ezekiel 33:5

Ev a glewas son an hirgorn ha ny woslowas an gwarnyans; y woes a vydh warnodho y honan, mes mar koslowas an gwarnyans, ev a saw y vewnans.

Matthew 16:26

Rag py les a vydh dhe dhen mar kwra ev gwaynya oll an bys mes ev a gyll y enev y honan? Po pandr'a wra den y ri yn attal rag y enev?

Luk 10:28

Hag ev a leveris dhodho, ‘Ewn y hworthybsys; hemma gwra, ha ty a vew.’

Luk 11:28

Mes ev a leveris, ‘Kyns, gwynnvys an re a glew ger Duw ha'y witha.’

Yowann 14:15

‘Mara'm kerowgh, hwi a with ow gorhemmynnow.

1 Korinthianys 7:19

Trodreghyans nyns yw travyth, hag antrodreghyans nyns yw travyth; mes gwitha arghadowyow an Arloedh yw dres pup-tra.

1 Yowann 3:22

Ha ni a'gan beus ganso pypynag a bysyn, drefenn ni dhe witha y worhemmynnow ha ni dhe wul an pyth yw plegadow a-ragdho.

1 Yowann 5:3

Rag hemm yw kerensa Duw, may hwitthyn ni y worhemmynnow: ha nyns yw y worhemmynnow ankensi.

Diskwedhyans 22:14

Gwynn aga bys neb a wolgh aga dillas may fo dhedha gwir dhe'n wydhenn a vewnans, ha mayth ellens a-ji dhe'n sita der an yetys.