Lavarow Koth 19:14 - An Bibel Kernewek 20234 (Kernewek Kemmyn)

¹⁴ Chi ha pythow yw eretons dhiworth tasow mes gwreg poellek yw ro dhiworth an Arloedh.

Lavarow Koth 19:14 ပူးပေါင်းရင်းမြစ်များ

Jenesis 24:44

ha mar lever hi dhymm, ‘Yv, ha my a denn dowr rag dha gowrvergh ynwedh’: bedhes homma an venyn re wrug an Arloedh hy apoyntya rag mab ow arloedh.”

Jenesis 24:7

An Arloedh Duw a'n nevow neb a'm kemmeras dhiworth chi ow thas ha pow ow genesigeth ha neb a gewsis genev ha neb a dos dhymm, ow leverel, “My a re an pow ma dhe'th has”, ev a dhannvon y el a-dheragos, ha ty a gemmer gwreg rag ow mab alena.

Lavarow Koth 13:22

Den da a as eretons dhe vebyon y vebyon, mes pyth an peghador yw gwithys rag an den gwiryon.

Lavarow Koth 18:22

Neb a gyv gwreg a gyv tra dha, hag ev a gyv favour a'n Arloedh.

Lavarow Koth 3:6

Yn oll dha fordhow gwra y aswonn, hag ev a wra dhe'th hynsyow bos kompes.

2 Korinthianys 12:14

Otta, parys ov vy dhe dhos dhywgh an tressa gweyth, ha ny vydhav vy begh warnowgh; rag ny hwilav agas pythow, mes hwi. Rag ny dhegoedh dhe'n fleghes kuntell tresor a-barth aga herens, mes an gerens a-barth aga fleghes.

Dewteronomi 21:16

y'n jydh may re ev aga eretons dh'y vebyon, ny yll gul mab an wreg yw kerys an kynsa-genys yn le mab an wreg yw kesys;

Jamys 1:17

Pub ro da ha pub ro perfydh a dhiyskynn dhiworth a-wartha, ow tos yn-nans dhiworth an Tas a wolowys ha nyns eus chanj na skeus treylyans ganso.

Yoshua 11:23

Ytho Yoshua a gemmeras an tir oll, war-lergh oll re lavarsa an Arloedh dhe Moyses: ha Yoshua a'n ros avel eretons dhe Ysrael war-lergh rannow aga loethow. Ha'n tir a'n jeva kres dhiworth bresel.

1 Samuel 25:3

Hanow an gour o Nabal, ha hanow y wreg Abigayl. An venyn o da hy honvedhes ha teg hy semlans, mes an gour o den kales ha drogoberer; ev o Kalebyas.