Lavarow Koth 19:12 - An Bibel Kernewek 20234 (Kernewek Kemmyn)

¹² Konnar myghtern yw avel lew owth usa, mes y favour yw avel gluth war an gwels.

Lavarow Koth 19:12 ပူးပေါင်းရင်းမြစ်များ

Jenesis 27:28

Ha re rollo Duw dhis gluth nev ha feythter an dor ha palster a ys ha gwin.

2 Samuel 23:4

ev a vydh avel golow an bora, pan sev an howl, yn myttin heb kommol, avel golewder wosa glaw a dhre gwels dhiworth an dor.

Ester 1:12

Mes skonya a wrug an vyghternes Vashti a dhos orth gorhemmynn an myghtern der an spadhesigyon; hag yndella, pur serrys o an myghtern ha'y gonnar a loskas ynno.

Ester 7:8

Hware an myghtern a dhehwelis dhiworth lowarth an palys bys yn hel an kevewi; hag yth esa Haman ow koedha war an gweli-dydh le mayth esa Ester. Ytho yn-medh an myghtern, ‘A vynn ev hwath defola an vyghternes, ha hi genev y'm chi ow honan?’ Kettell asas an ger ganow an myghtern, i a gudhas fas Haman.

Salmow 133:3

kepar ha gluth Hermon a goedh war venydhyow Sion. Rag ena y hworhemmynnis an Arloedh y vennath, bewnans bys vykken ha bynnari.

Salmow 72:6

Re dhiyskynno avel glaw war an gwels goera, avel kowasow a dhowrha an dor.

Lavarow Koth 20:2

Konnar euthyk myghtern yw avel lew owth usa, neb a'n serr a gyll y vewnans.

Lavarow Koth 28:15

Avel lew owth usa po ors owth omsettya yw drog rewler war bobel boghosek.

Ekklesiastes 8:4

Le mayth usi ger myghtern, y'n keth le yma galloes, ha piw a lever dhodho, ‘Pandr'a wredh?’

Ysay 18:4

Yndellma y lever an Arloedh dhymm: My a vydh kosel ha mires dhiworth ow thrigva avel toemmder kler y'n howlsplann, avel kommolenn gluth yn toemmder an drevas.

Daniel 5:19

ha drefenn an meuredh na hag a veu res dhodho, oll an poblow, kenedhlow ha tavosow a grena ha kavoes own a-ragdho. Neb a vynna, ev a ladha; ha neb a vynna, ev a synsi yn few; neb a vynna, ev a ughelhi; ha neb a vynna, ev a iselhi.

Daniel 6:24

Ha'n myghtern a erghis, ha'n wesyon na re guhudhsa Daniel a veu kyrghys ha tewlys yn fow an lewyon – i, aga mebyon, ha'ga gwragedh; ha kyns i dhe dhrehedhes dhe woeles an fow, an lewyon a's fethas ha terri oll aga eskern dhe demmyn.

Hosea 14:5

My a vydh avel an gluth dhe Ysrael; ev a wra bleujyowa avel an lili, ha dannvon y wreydh yn-nans kepar ha kederwydh Lebanon.

Mika 5:7

Ena remenant Yakob yn mysk lies pobel, a vydh avel gluth a'n Arloedh, avel kowasow war an gwels, na's teves govenek yn gour na ny wortons mebyon den.

Dewteronomi 33:28

Ysrael a drig yn sawder; y honan oll yw fenten Yakob, yn tir a ys ha gwin nowydh, y nevow ynwedh a dhever gluth.