Lavarow Koth 18:6 - An Bibel Kernewek 20234 (Kernewek Kemmyn)

⁶ Diwweus foll a dhre strif, ha'y anow a elow rag skorjya.

Lavarow Koth 18:6 ပူးပေါင်းရင်းမြစ်များ

Lavarow Koth 12:16

Sorr den foll yw diskwedhys a-dhistowgh, mes den doeth ny wra vri a dhespit.

Lavarow Koth 13:10

Dre donteth ny dheu saw strif, mes gans an re hag a woslow orth kusul yma furneth.

Lavarow Koth 14:16

Den fur yw war hag a dreyl dhiworth droktra, mes an den foll a sorr heb fronn hag yth yw dibreder.

Lavarow Koth 14:3

Kows den foll yw gwelenn dh'y geyn, mes diwweus an re fur a's gwith.

Lavarow Koth 17:14

Dalleth strif yw avel gasa dowr dhe skapya, ytho gas an gedrynn kyns hi dhe dardha yn-mes.

Lavarow Koth 19:19

Den a gonnar meur a dal an spal, rag mara'n delivrydh, re vydh ty dh'y wul arta.

Lavarow Koth 19:29

Dampnyans yw parys rag skornyoryon, ha skorjya rag keyn fellyon.

Lavarow Koth 20:3

Gordhyans yth yw dhe wour omwitha dhiworth strif, mes pub foll a vynn kedrynna.

Lavarow Koth 22:10

Herdh an skornyer dhe-ves, hag yth a strif yn-mes; kedrynna ha despit a hedh.

Lavarow Koth 25:24

Gwell yw triga yn kornell a'n to ages triga yn chi war-barth gans gwreg gavyllek.

Lavarow Koth 27:3

Men yw poes ha tewes a'n jeves poesedh, mes an negh gwrys gans foll yw poessa ages aga dew.

Lavarow Koth 29:9

Mara'n jeves gour fur ken gans gour foll, yma predheges ha skorn, ha nyns eus kalmynsi.