Lavarow Koth 18:21 - An Bibel Kernewek 20234 (Kernewek Kemmyn)

²¹ Yma mernans ha bewnans yn galloes an taves, ha keniver a'n karro a dheber y froeth.

Lavarow Koth 18:21 ပူးပေါင်းရင်းမြစ်များ

Salmow 12:5

‘Drefenn an voghosogyon dhe vos ravnys, drefenn kynvann an edhommogyon, lemmyn my a sev’, yn-medh an Arloedh; ‘my a'n gorr y'n sawder a yeun ev.’

Lavarow Koth 10:31

Ganow an den gwiryon a dheg furneth, mes an taves gorth a vydh treghys dhe-ves.

Lavarow Koth 11:30

Froeth an den gwiryon yw gwydhenn a vewnans, mes neb a wayn enevow yw fur.

Lavarow Koth 12:13

Tebelwas yw maglennys gans treuspass y dhiwweus, mes an den gwiryon a dhienk a drobel.

Lavarow Koth 21:23

Neb a with y anow ha'y daves a with y enev orth troblow.

Ysay 3:10

Leverewgh dhe'n den gwiryon, y fydh da ragdho, rag i a dheber frut aga gwriansow.

Ysay 57:19

ow formya an frut a hebaska war dhiwweus an gynoryon. Kres, kres dhodho ev neb yw ogas, ha dhodho ev neb yw pell, yn-medh an Arloedh; ha my a'n yaghha.

Hosea 10:13

Hwi re aras droktra, ha mysi anewnder, ha re dhyb'sowgh an frut a wowyow; rag ty a drestyas y'th fordh, yn niver bras dha gasoryon.

2 Korinthianys 11:15

Nyns yw ankoth, ytho, mar kwra y venysters treusfurvya aga honan dhe venysters a ewnder: may fydh aga diwedh herwydh aga oberow.

2 Korinthianys 2:16

dhe'n re ma odour a vernans dhe'n mernans, ha dhe'n re na odour a vewnans dhe vewnans. Piw yw da lowr rag an traow ma?

Efesianys 4:29

Na dhes drog-ger vyth yn-mes a'gas ganow, saw pypynag a vo da rag an drehevyans yw res, may rollo gras dhe neb a'n klewvo.

Kolossianys 4:6

Bedhes agas lavar pup-prys grassyes, sawrys gans hoelan, dhe wodhvos fatell goedh dhywgh gorthybi dhe bubonan.

2 Peder 2:18

Rag ow kewsel gans bostyans euver, i a dhyn gans drokhwansow direwl an kig an re na dhiank skant dhiworth an dus a vew yn maner bodrek.