Lavarow Koth 17:5 - An Bibel Kernewek 20234 (Kernewek Kemmyn)

⁵ Neb a skorn an boghosek a arvedh y Wrier; neb a lowenha pan wel terroes tus erell ny vydh divlam.

Lavarow Koth 17:5 ပူးပေါင်းရင်းမြစ်များ

Job 31:29

‘Mar lowenhis drefenn anfeus ow eskar po bos heudh pan wrug drog y gavoes

Salmow 69:9

Rag tan ow holonn a-barth dha ji re'm kollonkas, ha despit an re a'th skorn jy re goedhas warnav vy.

Lavarow Koth 14:21

Neb a dhispres y gentrevek yw peghador, mes gwynn y vys neb yw kuv orth an voghosogyon.

Lavarow Koth 14:31

Neb a arwask den boghosek a arvedh y Wrier, mes neb yw kuv dhe'n voghosogyon a'n enor.

Lavarow Koth 16:5

Pub huni gans kolonn woethus yw tra gasadow dhe'n Arloedh; bydh sur na vydh heb kessydhyans.

Yeremia 17:16

Mes my, ny fistenis a vones bugel dhe'th siwya, na ny hwensis dydh an anfeusi; ty a woer: an pyth a dheuth a'm diwweus a veu a-rag dha wolok.

Ezekiel 25:3

Lavar dhe vebyon Ammon, Klewewgh ger an Arloedh Duw: Yndellma y lever an Arloedh Duw, Drefenn ty dhe leverel, ‘Aha!’ war ow sentri pan veu disakrys, ha war dir Ysrael pan veu gwrys ynyal, ha dhe ji Yuda pan ethons yn divroedh;

Obadia 1:10

Drefenn an ladhva ha'n garowder gwrys erbynn dha vroder Yakob, meth a wra dha gudha, ha ty a vydh treghys dhe-ves bynitha.

Obadia 1:16

Rag kepar dell wrussowgh eva war ow menydh sans, yn kettella y hwra an kenedhlow oll eva heb hedhi. Eva a wrons, ha lenki, hag y fydhons kepar ha pan nag esens bythkweth yn few.

Romanyon 12:15

Lowenhewgh gans an re a lowenha, oelewgh gans an re a oel;

1 Yowann 3:17

Mes neb a'n jeves pyth an bys ma, hag a wel bos dh'y vroder edhomm hag a dhege y golonn orto, fatell drig ynno kerensa Duw?