Lavarow Koth 17:3 - An Bibel Kernewek 20234 (Kernewek Kemmyn)

³ An teudhlester yw rag arghans, ha'n forn yw rag owr, mes an Arloedh a brev kolonnow.

Lavarow Koth 17:3 ပူးပေါင်းရင်းမြစ်များ

1 Kroniklys 29:17

My a woer, ow Duw, ty dhe brevi an golonn, ha dhe lowenhe yn ewnhynseth. Yn gwiryonsys ow holonn y res vy a'm bodh oll an taklow ma. Ha lemmyn my re welas dha bobel usi omma ow ri dhis a'ga bodh yn lowen.

Job 23:10

Mes ev a aswonn ow fordh vy; mara'm proffa, gylsen vy yn-mes kepar hag owr.

Job 28:1

‘Yma bal rag arghans, ha tyller may ma owr purhes.

Salmow 139:23

Hwither vy, A Dhuw, ha godhvydh ow holonn; prov vy, ha godhvydh ow frederow;

Salmow 26:2

Hwither vy, A Arloedh, ha prov vy; assay ow lonethi ha'm kolonn.

Salmow 66:10

Rag ty, A Dhuw, re'gan provas; ty re'gan assayas, dell yw arghans assayys.

Lavarow Koth 15:11

Yma ifarn hag Abaddon a-rag an Arloedh, kemmys moy kolonn mebyon den.

Lavarow Koth 16:2

Oll fordhow gour yw pur yn y dhewlagas y honan, mes an Arloedh a vantol an spyrysyon.

Lavarow Koth 17:2

Keth neb a dhyght yn fur a rewl mab neb a dhre mewl, hag ev a gevrenn an eretons yn mysk an vreder.

Lavarow Koth 21:2

Pub fordh gour yw ewn yn y dhewlagas y honan, mes an Arloedh a vantol an golonn.

Lavarow Koth 27:21

An teudhlester yw rag arghans, ha'n forn yw rag owr, yndella yw gour prevys dre vos gormelys.

Ysay 48:10

Mir, my re'th purhas, a-der avel arghans; my re'th provas y'n forn a alar.

Yeremia 17:10

My an Arloedh a hwither an golonn, ha previ an dhiwloneth, dhe ri dhe beub herwydh y fordhow, ha herwydh frut y oberow.

Ezekiel 22:18

Mab den, chi Ysrael re beu dhymm avel atal; i oll, brons, sten, horn, ha plomm a-berth yn forn. Atal arghans yns i.

Daniel 11:35

Darn a'n re fur a drebuch, rag may fons prevys, purhes ha kannyes, bys yn prys an diwedh, rag hemm yw hwath rag an prysweyth ordenys.

Zekaria 13:9

My a dhre an tressa rann dre'n tan, ha'ga furhe dell yw purhes an arghans, a'ga frevi dell yw prevys an owr. Ev a wra gelwel war ow hanow, ha my a worthyp dhodho; my a lever, ‘Ev yw ow fobel’, hag ev a lever, ‘An Arloedh yw ow Duw.’

Dewteronomi 8:16

neb a ros dhis manna dhe dhybri y'n gwylvos na aswonnis dha dasow, rag dha uvelhe, ha rag ma'th proffa, dhe wruthyl dader dhis wortiwedh.

Dewteronomi 8:2

Ha ty a berth kov a oll an fordh a wrug an Arloedh dha Dhuw dhis kerdhes ynni an dew-ugens blydhen ma y'n gwylvos, rag ma'th uvelhaho ha'th previ, dhe wodhvos an pyth esa y'th kolonn, mar kwitthes y worhemmynnow po na witthes.

1 Peder 1:7

rag may fo kevys prov agas fydh, moy y bris es owr a yll pedri kyn fo prevys gans tan, dhe wormola ha gordhyans hag enor orth diskwedhyans Yesu Krist,

Diskwedhyans 2:23

Ha my a ladh hy fleghes yn farow; ha'n eglosyow oll a wra godhvos ow bos neb a hwila an lonethi ha'n kolonnow: hag y rov dhywgh hwi pubonan war-lergh agas gwriansow.