Lavarow Koth 17:17 - An Bibel Kernewek 20234 (Kernewek Kemmyn)

¹⁷ Koweth a gar pup-prys, ha broder yw genys rag gweres yn droglamm.

Lavarow Koth 17:17 ပူးပေါင်းရင်းမြစ်များ

2 Samuel 1:26

Grevys ov ragos, ow broder Yonathan; meurgerys genev es'ta; marthys o dha gerensa dhymm, moy es kerensa benynes.

2 Samuel 15:21

Mes Ittay a worthybis dhe'n myghtern, ha leverel, ‘Dell vew an Arloedh, ha dell vew ow arloedh an myghtern, plepynag may fo an myghtern, kyn fo yn mernans po yn bewnans, ena ynwedh y fydh dha was.’

Ester 4:14

Rag mar tewydh yn tien y'n eur ma, ha difresyans ha selwyans a dheu dhe'n Yedhewon dhiworth tyller arall, ty ha chi dha das a vydh distruys: ha piw a woer na vesta devedhys dhe'th savla ryel rag termyn a'n par ma?’

Lavarow Koth 16:28

Gour treus a dewl strif a-les, ha hwedhler a wra dibarth yntra keskowetha.

Lavarow Koth 18:24

Yma dhe wour kowetha a omwra bos kowetha, mes yma gwir goweth hag a len nes ages broder.

Lavarow Koth 19:13

Mab foll yw diswrians dh'y das, ha'n kedrynna a wreg yw avel glaw ow devera heb fin dre do syger.

Lavarow Koth 19:7

Oll breder an boghosek a'n kas: kemmys moy yth a y gowetha dhiworto. Ev a's helgh gans geryow mes nyns esons i ena.

Ebrowyon 2:11

Rag ev neb a sansha, ha'n re yw sanshes, yw oll a'n unn devedhyans. Henn yw prag na'n jeves meth dh'aga gelwel breder,

Ruth 1:16

Hag yn-medh Ruth, ‘Na bled genev dha asa, dhe dreylya dhiworth dha lergh, rag plepynag yth ylli, yth av; ha plepynag yth osti, yth ostyav; dha bobel a vydh ow fobel ha dha Dhuw a vydh ow Duw.

1 Samuel 18:3

Ena Yonathan a wrug ambos gans Davydh, drefenn ev dh'y gara avel y enev y honan.

1 Samuel 19:2

Yonathan a dherivas orth Davydh, ‘Ow thas Sowl a vynn dha ladha; rakhenna bydh war ternos vyttin; gorta yn tyller kevrinek hag omgudh.

1 Samuel 19:3

My a wra mos yn-mes ha sevel ryb ow thas y'n gwel mayth esos, ha my a gews gans ow thas a-dro dhis; ha'n pyth a welav my a dheriv dhis.’

1 Samuel 20:17

Yonathan a wrug dhe Davydh daswul y di, drefenn ev dh'y gara: rag ev a'n kara kepar dell gara ev y vewnans y honan.

1 Samuel 23:16

Yonathan mab Sowl a sevis, ha mos dhe Davydh yn Horesh, hag ev a grevhas y leuv yn Duw.