Lavarow Koth 17:12 - An Bibel Kernewek 20234 (Kernewek Kemmyn)

¹² Gwell yw dyerbynna orses ledrys hy orsigow, kyns foll yn y follneth.

Lavarow Koth 17:12 ပူးပေါင်းရင်းမြစ်များ

2 Samuel 17:8

Rag ty a woer bos dha das ha'y wer kasoryon, ha'ga sorr dhe dhewi, kepar hag orses ledrys hy orsigow y'n gwel. Ynwedh dha das yw gour konnyk yn bresel, ha ny vynn tremena an nos gans y wer.

2 Myghternedh 2:24

Ev a dreylyas a-dro ha mires orta ha'ga milliga yn hanow an Arloedh. Hag y teuth diw orses mes a'n koes ha skwardya dew flogh ha dew-ugens anedha.

Lavarow Koth 17:11

Ny hwila tebelwas saw unnsel rebellyans, mes kannas fell a vydh dannvenys er y bynn.

Lavarow Koth 27:3

Men yw poes ha tewes a'n jeves poesedh, mes an negh gwrys gans foll yw poessa ages aga dew.

Lavarow Koth 28:15

Avel lew owth usa po ors owth omsettya yw drog rewler war bobel boghosek.

Lavarow Koth 29:9

Mara'n jeves gour fur ken gans gour foll, yma predheges ha skorn, ha nyns eus kalmynsi.

Hosea 13:8

My a dheu er aga fynn avel orses a gollas hy helyn, ha skwardya aga holonn mes a'ga brest, hag ena my a's devor avel lewes; goedhvil a wra aga frega.

Matthew 2:16

Ena Herod ow kweles ges dhe vos gwrys anodho gans an dus fur o meur serrys hag a dhannvonas ha ladha oll an fleghes esa yn Bethlehem hag yn oll an pow a-dro, a dhew vloedh ha le ages henna, herwydh an termyn a dhys'sa gans an dus fur.