Lavarow Koth 16:9 - An Bibel Kernewek 20234 (Kernewek Kemmyn)

⁹ Brys den a dewl towl y fordhow, mes an Arloedh a gevarwoedh kammow y dhewdroes.

Lavarow Koth 16:9 ပူးပေါင်းရင်းမြစ်များ

2 Kroniklys 22:7

Mes ordenys veu gans Duw may teffa terroes Ahazia der y vones yn-mes dhe vires Yoram. Yndella pan dheuth di ev eth yn-mes gans Yoram dhe vetya gans Yehu mab Numshi, neb a wrug an Arloedh y untya may tiswrella chi Ahab.

Salmow 37:23

Kammow gour yw fastys gans an Arloedh, hag ev a gemmer plesour yn y fordh.

Lavarow Koth 16:1

Mab-den a bew towlow an golonn, mes gorthyp an taves a dheu dhiworth Arloedh.

Lavarow Koth 16:8

Gwell yw boghes gans gwiryonedh ages gobrow meur gans kammhynseth.

Lavarow Koth 19:21

Lies yw an towlow a-ji dhe golonn gour, mes porpos an Arloedh, henna a sev.

Lavarow Koth 20:24

Kammow gour yw ordenys gans an Arloedh, ytho fatell yll den konvedhes y fordh y honan?

Lavarow Koth 21:1

Kolonn an myghtern yw gover a dhowr yn leuv an Arloedh; ev a's treyl py le pynag y fynno.

Lavarow Koth 21:30

Nyns eus na furneth, na konvedhes na kusul a yll sevel erbynn an Arloedh.

Ysay 46:10

ow tarleverel an diwedh a-dhia'n dalleth, hag a-dhia dermynyow koth taklow na veu hwarvedhys hwath, ow leverel, ‘Ow forpos a sev, ha my a wra oll ow bodh’,

Yeremia 10:23

A Arloedh, my a woer nag yw fordh den yn-dann y rewl y honan: ny yll gour marwel, dell gerdh, gidya y gammow.

1 Samuel 9:16

‘A-vorow a-dro dhe'n termyn ma my a dhannvon dhis gour mes a bow Benyamin, ha ty a wra y untya avel rewler war oll ow fobel Ysrael. Ev a saw ow fobel a-dhiworth dorn an Filistysi. My re viras war ow fobel, drefenn aga garm dhe dhos dhymm.’