Lavarow Koth 16:33 - An Bibel Kernewek 20234 (Kernewek Kemmyn)

³³ An prenn yw tewlys y'n varrlenn, mes yma an ervirans gans an Arloedh y honan.

Lavarow Koth 16:33 ပူးပေါင်းရင်းမြစ်များ

Nehemia 11:1

Yth esa trigys hembrenkysi an bobel yn Yerusalem ha remenant an bobel a dewlis prenn dhe dhewis unn deylu mes a bub deg dhe driga yn Yerusalem, an sita sans, ha'n naw arall yn trevow erell.

Lavarow Koth 16:32

Neb yw lent ow serri yw gwell ages gour galloesek, ha neb a rewl y spyrys ages neb a gemmer sita.

Lavarow Koth 18:18

Tewlel prenn a worfenn disputyans, hag ervira yntra kestrivoryon gevoethek.

Lavarow Koth 29:26

Lies a hwila favour rewler, mes yth yw dhiworth an Arloedh y kyv gour gwirvreus.

Ezekiel 21:21

Rag myghtern Babylon a sev orth diberthva an fordh, orth penn an dhiw fordh, dhe wul dewinieth. Ev a shak sethow, ev a hwila kusul orth an terafim, ev a vir orth an avi.

Levitikus 16:8

Hag Aron a dewl prenn war an dhew vogh, unn prenn a-barth an Arloedh, ha'n prenn arall a-barth an bogh-diank.

Yona 1:7

Hag yn-medhons an eyl dh'y gila, ‘Dewgh, tewlyn ni prenn, may fo godhvedhys dhyn piw yw dhe vlamya, an drog ma dhe vos devedhys warnan.’ Ytho i a dewlis prenn, ha'n prenn a goedhas war Yona.

Oberow 1:26

Hag i a dewlis prenn ragdha, ha'n prenn a goedhas war Matthias, ha reknys o yn mysk an unnek abostol.

Yoshua 18:10

Yoshua a dewlis prennyer ragdha yn Shilo a-rag an Arloedh; hag ena Yoshua a rannas an tir dhe'n Ysraelysi war-lergh aga rannow.

Yoshua 18:5

Rynnewgh an tir yn seyth rann. Yuda a bes yn y diredh a'n dhyghowbarth, ha chi Yosep a bes yn aga thiredh a'n gledhbarth.

Yoshua 7:14

Ytho y'n myttin hwi a dheu nes war-lergh agas loethow. Ha'n loeth a wra an Arloedh y gemmeres a dheu yn-rag war-lergh an teyluyow, ha'n teylu a wrug an Arloedh y gemmeres a dheu nes war-lergh an chiow, ha'n chi a wrug an Arloedh y gemmeres a dheu nes an eyl wosa y gila.

Breusysi 20:9

Mes hemm yw an pyth a wren dhe Gibea; ni a dewl prenn rag an omsettyans er hy fynn.

1 Samuel 10:19

Mes hedhyw, hwi re naghas agas Duw, neb a'gas delivras dhiworth oll agas droglammow ha'gas galarow. Mes hwi a leveris, “Nansi, mes gorr myghtern warnan.” Lemmyn ytho, sevewgh a-rag an Arloedh orth agas loethow hag orth agas kordhow.’