Lavarow Koth 16:32 - An Bibel Kernewek 20234 (Kernewek Kemmyn)

³² Neb yw lent ow serri yw gwell ages gour galloesek, ha neb a rewl y spyrys ages neb a gemmer sita.

Lavarow Koth 16:32 ပူးပေါင်းရင်းမြစ်များ

2 Myghternedh 5:12

A nyns yw Abana ha Farpar, avonyow Damaskus, gwell ages oll an dowrow yn Ysrael? A ny allav omwolghi ynna ha bos glan?’ Ytho ev a dreylyas ha mos dhe-ves yn konnar.

Salmow 103:8

An Arloedh yw truedhek ha grassyes, lent ow serri ha meur y dregeredh.

Lavarow Koth 14:29

Gour neb yw lent ow serri a'n jeves konvedhes meur, mes neb a sorr yn fysk a ughelha follneth.

Lavarow Koth 15:18

Gour konneryek a dhifun strif, mes neb yw lent ow serri a goselha kedrynna.

Lavarow Koth 16:19

Gwell yw bos uvel an spyrys gans an voghosogyon ages kevrenna an preydh gans an re woethus.

Lavarow Koth 16:31

Blew loes yw kurun a enor; kevys yw y'n fordh a ewnder.

Lavarow Koth 16:33

An prenn yw tewlys y'n varrlenn, mes yma an ervirans gans an Arloedh y honan.

Lavarow Koth 19:11

Skians da a wra den lent dhe serri, hag yth yw glori dhodho skonya a aswonn kammwrians.

Lavarow Koth 25:15

Gans perthyans y hyllir dynya rewler, ha taves medhel a yll terri eskern.

Lavarow Koth 25:28

Avel sita folsys hy fosow yw den na'n jeves omvaystri.

Ekklesiastes 7:8

Gwell yw diwedhva tra ages y dhalleth; yndellma gwell yw perthyans ages goeth.

Ekklesiastes 7:9

Na fisten y'th spyrys dhe serri, rag sorr a bowes yn askra fellyon.

Romanyon 12:21

Na vedhewgh fethys gans an drog, mes fethewgh an drog gans an da.

Efesianys 5:1

Ytho, gwrewgh Duw agas patron, kepar ha fleghes karadow,

Jamys 1:19

Godhvydhewgh hemma, ow breder veurgerys. Bedhes pub den skav dhe glewes, lent dhe gewsel, lent dhe serri.

Diskwedhyans 3:21

Neb a fettho, my a wront dhodho esedha genev war ow thron, kepar dell fethis vy ynwedh, hag esedha gans ow Thas war y dron.