Lavarow Koth 16:22 - An Bibel Kernewek 20234 (Kernewek Kemmyn)

²² Doethter yw fenten a vewnans dhe neb a'n jeves, mes keredh fellyon yw follneth.

Lavarow Koth 16:22 ပူးပေါင်းရင်းမြစ်များ

Lavarow Koth 10:11

Ganow an den gwiryon yw fenten a vewnans, mes ganow an debeles a gudh freudh.

Lavarow Koth 13:14

Dyskans an re fur yw fenten a vewnans, ow treylya den dhiworth maglennow ankow.

Lavarow Koth 14:27

Own an Arloedh yw fenten a vewnans, rag may haller avoydya maglennow ankow.

Lavarow Koth 15:2

Taves tus fur a afin godhvos, mes ganow an re foll a dhiver follneth.

Lavarow Koth 15:28

Brys an den gwiryon a ombreder fatell worthybir, mes ganow an debeles a dhiver drogedhow.

Lavarow Koth 16:21

An den fur y golonn yw henwys den poellek, ha hwekter an dhiwweus a ynkress dyskans.

Lavarow Koth 16:23

Kolonn an den fur a wra y anow doeth, hag a geworr dyskans dh'y dhiwweus.

Lavarow Koth 18:4

Geryow ganow gour yw dowrow down, fenten a furneth yw gover ow resek.

Lavarow Koth 18:7

Ganow foll yw y dhiswrians, ha'y dhiwweus yw antell dh'y enev y honan.

Lavarow Koth 3:22

hag i a vydh bewnans rag dha enev, ha gras dhe afina dha gonna.

Matthew 15:14

Gesewgh i dhe vos; hembrenkysi dhall yns i a dus dhall. Mar kwra den dall hembronk den dall, i aga dew a goedh yn kleudh.’

Yowann 5:24

Yn hwir, yn hwir y lavarav dhywgh, ev neb a glew ow ger hag a grys yn neb a'm dannvonas, yma dhodho bewnans heb diwedh, ha ny dheu dhe'n vreus, mes re dremenas a vernans dhe vewnans.

Yowann 6:63

An Spyrys yth yw neb a re vewnans; nyns eus prow vyth y'n kig. An geryow a gowsav dhywgh, yth yns i spyrys, ha bewnans.

Yowann 6:68

Simon Peder a worthybis dhodho, ‘Arloedh, piw y hwren ni mos dhodho? Yma dhis an geryow a vewnans heb diwedh.