Lavarow Koth 16:21 - An Bibel Kernewek 20234 (Kernewek Kemmyn)

²¹ An den fur y golonn yw henwys den poellek, ha hwekter an dhiwweus a ynkress dyskans.

Lavarow Koth 16:21 ပူးပေါင်းရင်းမြစ်များ

1 Myghternedh 3:12

my a wra lemmyn herwydh dha er. Yn tevri, my a re dhis kolonn fur ha meur hy honvedhes; nyns esa denvyth avellos a-ragos ha ny sev denvyth avellos war dha lergh.

Salmow 45:2

Tekka osta jy ages mebyon den; leun a ras yw dha dhiwweus, rakhenna Duw re'th vennigas bynitha.

Lavarow Koth 10:13

Yma furneth kevys war dhiwweus neb a'n jeves konvedhes, mes yma gwelenn rag keyn neb na'n jeves skentoleth.

Lavarow Koth 10:23

Gwruthyl tra vethus yw avel gwari dhe'n den foll, mes fara fur yw plesour dhe wour a gonvedhes.

Lavarow Koth 10:8

An den fur y golonn a dhegemmer gorhemmynnow, mes den foll ow klappya a dheu dhe dhiswrians.

Lavarow Koth 15:7

Diwweus an re fur a les godhvos, mes ny wra kolonn fellyon yndella.

Lavarow Koth 16:22

Doethter yw fenten a vewnans dhe neb a'n jeves, mes keredh fellyon yw follneth.

Lavarow Koth 23:15

Ow flogh, mars yw dha golonn fur, ow holonn ynwedh a vydh lowen.

Lavarow Koth 27:9

Melyseth ha frankynkys a wra an golonn lowen, mes an enev yw terrys dhe demmyn gans govisyon.

Ekklesiastes 12:10

An Pregowther a hwilas kavoes geryow hweg, ha skrifa yn ewn lavarow a wiryonedh.

Ysay 50:4

An Arloedh Duw re ros dhymm taves an re yw dyskys, rag may hwodhviv fatell sostenav gans ger an den skwith. Myttin ha myttin ev a dhifun, ev a wra dhe'm skovarn difun rag goslowes kepar ha'n re yw dyskys.

Hosea 14:9

Piw yw skentel? Re gonvettho an taklow ma. Piw yw doeth? Re's godhvo. Fordhow an Arloedh yw ewn, an re wiryon a gerdh ynna, mes drogoberoryon a drebuch ynna.

Matthew 11:25

Y'n prys na Yesu a worthybis ow leverel, ‘My a'th wormel, A Das, Arloedh nev ha nor, drefenn ty dhe gudha an taklow ma dhiworth an re fur ha skiansek ha'ga diskudha dhe fleghesigow;

Luk 4:22

Hag yth esens i oll ow tustunia a-dro dhodho, ha marth a's tevo a'n geryow a ras a dheuth a'y anow, hag yn-medhons, ‘A nyns yw hemma mab Yosep?’

Yowann 7:46

An wesyon a worthybis, ‘Ny wrug denvyth bythkweth kewsel yndella, dell wra an den ma.’

Romanyon 16:19

Rag agas gostytter yw aswonnys gans tus oll, bys may lowenhav warnowgh; my a vynn orthowgh bos fur dhe'n da ha gwiryon dhe'n drog.

Jamys 3:17

Mes an furneth a-wartha yw kyns oll glan, ena ow kara kres, klor, es y berswadya, leun a versi ha frut da, heb faverans, heb falsuri.