Lavarow Koth 16:20 - An Bibel Kernewek 20234 (Kernewek Kemmyn)

²⁰ Neb yw doeth yn y negys a sewen, ha gwynn y vys neb a drest y'n Arloedh.

Lavarow Koth 16:20 ပူးပေါင်းရင်းမြစ်များ

1 Kroniklys 5:20

I a dhegemmeras gweres er aga fynn, rag i a grias dhe Dhuw y'n vatel, ha'n Hagrysi hag oll esa gansa a veu res yn aga leuv, hag ev a wrontyas aga fysadow drefenn i dhe drestya ynno.

Salmow 125:1

An re a fydh y'n Arloedh yw avel menydh Sion, na yll bos disevys, mes ev a dhur bys vykken.

Salmow 146:5

Gwynn y vys neb a'n jeves Duw Yakob yn gweres dhodho, hag yma y drest y'n Arloedh y Dhuw,

Salmow 2:12

Ymmewgh dhe'n mab, ma na vo serrys, ha na yllowgh dhe goll y'n fordh; rag y sorr a flamm yn skon. Gwynnvys oll an re a hwila skovva ynno ev.

Salmow 32:10

Galarow pals a vydh dhe'n tebelwas, mes neb a drest y'n Arloedh, tregeredh a dheu a-dro dhodho.

Salmow 34:8

Gwrewgh tastya ha gweles an Arloedh dhe vos da; gwynnvys an den a hwila skovva ynno ev.

Lavarow Koth 13:13

Neb a skorn an ger a dheg diswrians warnodho y honan, mes neb a berth own a'n gorhemmynn a'n jevydh gober.

Lavarow Koth 13:15

Skians da a wayn favour, mes fordhow an re dhislel yw aga therroes.

Lavarow Koth 17:2

Keth neb a dhyght yn fur a rewl mab neb a dhre mewl, hag ev a gevrenn an eretons yn mysk an vreder.

Lavarow Koth 19:8

Neb a'n jeves furneth a gar y enev y honan, neb a with konvedhes a sewen.

Lavarow Koth 8:35

Rag neb a'm kyv a gyv bewnans hag ev a'n jeves favour a'n Arloedh.

Ysay 30:18

Rakhenna an Arloedh a worta dhe vos grassyes orthowgh; ha rakhenna ev a sev dhe gemmeres truedh ahanowgh. Rag an Arloedh yw Duw a wirvreus, gwynnvys kemmys a'n gorta.

Daniel 3:28

[95] Ena Nebukadnessar a gewsis ow leverel, ‘Benniges re bo Duw Shadrak, Meshak hag Abednego, neb re dhannvonas y el, ha delivra y wesyon neb a drestya ynno, ha treylya ger an myghtern, ha ri aga horf rag na wrellons gologhas dhe dhuw vyth marnas dh'aga Duw i.

Daniel 6:23

Ena yth o an myghtern lowen dres eghenn ragdho, hag ev a worhemmynnis may fe Daniel tennys dhiworth an fow. Ytho Daniel a veu tennys dhiworth an fow, ha ny veu kevys pystik vyth warnodho, rag ev dhe drestya yn y Dhuw.

Matthew 10:16

‘Awotta, my a'gas dannvon yn-mes avel deves yn mysk bleydhi; rakhenna bedhewgh fur avel serf ha gwiryon avel kelemmi.