Lavarow Koth 16:16 - An Bibel Kernewek 20234 (Kernewek Kemmyn)

¹⁶ Ass yw gwell kavoes furneth ages owr, ha gwell yw dewis konvedhes ages arghans!

Lavarow Koth 16:16 ပူးပေါင်းရင်းမြစ်များ

Salmow 119:127

Rakhenna my a gar dha worhemmynnow moy ages owr, moy ages owr fin.

Lavarow Koth 2:4

mara'n hwilydh avel arghans hag assaya y gavoes avel tresor kudhys,

Lavarow Koth 3:13

Gwynnvys an den hag a gyv furneth, ha'n den hag a gyv konvedhes,

Lavarow Koth 3:14

rag an gwayn anedhi yw gwell ages an gwayn a arghans, ha'y frow yw gwell ages owr fin.

Lavarow Koth 4:5

Kav furneth, kav konvedhes: na ankov, ha na dreyl dhiworth geryow ow ganow.

Lavarow Koth 4:7

Dalleth furneth yw hemma; kav furneth, ha pypynag a gyffi, kav konvedhes;

Lavarow Koth 8:19

Ow froeth yw gwell ages owr, ages owr fin, ha'm gwayn ages arghans dewisys.

Ekklesiastes 7:12

Rag furneth yw skovva, kepar ha dell yw mona skovva; mes gwayn godhvos a furneth yw hemma: ev a dhasvew an re a'n pew.

Matthew 16:26

Rag py les a vydh dhe dhen mar kwra ev gwaynya oll an bys mes ev a gyll y enev y honan? Po pandr'a wra den y ri yn attal rag y enev?

Luk 12:21

Yndella y fydh dhe neb a guntell tresor dhodho y honan, mes nyns yw rych a-rag Duw.’