Lavarow Koth 16:15 - An Bibel Kernewek 20234 (Kernewek Kemmyn)

¹⁵ Yma bewnans yn golow fas myghtern, ha'y favour yw haval dhe gommol a dheg glaw an gwenton.

Lavarow Koth 16:15 ပူးပေါင်းရင်းမြစ်များ

Salmow 21:6

Rag ty a ros dhodho bennathow bys vykken; ty a'n gwra heudhik gans lowena a-wel dhe'th fas.

Salmow 30:5

Rag ny dhur y sorr saw pols byghan; yn y ras yma bewnans. Oelva a dhur dres an nos, mes lowena a dheu y'n myttin.

Salmow 4:6

Lies huni a lever, ‘Piw a dhiskwa dader dhyn ni? Drehav warnan golow dha fas, A Arloedh.’

Salmow 72:6

Re dhiyskynno avel glaw war an gwels goera, avel kowasow a dhowrha an dor.

Lavarow Koth 16:14

Sorr myghtern yw kannas ankow, ha gour fur a'n diserr.

Lavarow Koth 19:12

Konnar myghtern yw avel lew owth usa, mes y favour yw avel gluth war an gwels.

Lavarow Koth 29:26

Lies a hwila favour rewler, mes yth yw dhiworth an Arloedh y kyv gour gwirvreus.

Hosea 6:3

Ytho re aswonnyn ni, re hwillyn dhe aswonn an Arloedh. Y dhevedhyans yw mar sur avel an bora; ev a dheu dhyn avel an glaw, avel an glaw diwedhes a dhowrha an tir.

Zekaria 10:1

Govynnewgh glaw orth an Arloedh yn termyn an glaw diwedhes. An Arloedh a wra kommol tewedh; ev a re kowasow glaw dhedha, ha dhe bubonan ev a re gwels y'n gwel.

Oberow 2:28

Ty re dhiskwedhas dhymm an fordhow a vewnans; ty a'm lenow a heudhder gans dha wolok.”