Lavarow Koth 15:8 - An Bibel Kernewek 20234 (Kernewek Kemmyn)

⁸ Sakrifis an debeles yw tra gasadow dhe'n Arloedh, mes pysadow an re ewnhynsek yw y dhelit.

Lavarow Koth 15:8 ပူးပေါင်းရင်းမြစ်များ

2 Samuel 15:12

Pan esa Absalom owth offrynna sakrifisow, ev a dhannvonas war-lergh Ahithofel an Gilonyas, kusulyer Davydh, dhiworth y sita Gilo. Ha'n bras o krev; rag an bobel a gressyas prest gans Absalom.

1 Myghternedh 3:10

Plegadow o an kows ma dhe'n Arloedh, Solomon dhe wovynn an dra ma.

1 Kroniklys 29:17

My a woer, ow Duw, ty dhe brevi an golonn, ha dhe lowenhe yn ewnhynseth. Yn gwiryonsys ow holonn y res vy a'm bodh oll an taklow ma. Ha lemmyn my re welas dha bobel usi omma ow ri dhis a'ga bodh yn lowen.

Salmow 141:2

Re bo ow fysadow a-dheragos avel ynkys, ha'm diwleuv drehevys avel offrynn gwesper.

Salmow 17:1

Klew an ewnder, A Arloedh, goslow dhe'm garm; ro skovarn dhe'm pysadow mes a dhiwweus heb gil.

Lavarow Koth 10:24

An pyth may perth an tebelwas own anodho a dheu warnodho, mes hwans an re wiryon a vydh grontyes.

Lavarow Koth 15:29

Yma an Arloedh pell dhiworth an debeles, mes ev a glew pysadow an re wiryon.

Lavarow Koth 15:7

Diwweus an re fur a les godhvos, mes ny wra kolonn fellyon yndella.

Lavarow Koth 21:27

Sakrifis an debeles yw tra gasadow; kemmys moy pan y'n dro gans tebel borpos.

Lavarow Koth 21:3

Gul ewnder ha gwirvreus yw moy plegadow gans an Arloedh ages sakrifis.

Lavarow Koth 28:9

Mar treyl nebonan y skovarn ma na glewo an lagha, y bysadow yw tra gasadow hogen.

Ekklesiastes 5:1

Pan edh dhe ji Duw, ke war dha gamm. Deus nes dhe woslowes a-der offra sakrifis kepar dell wra fellyon, drefenn na wodhons i dhe gammwul.

An Gan a Ganow 2:14

Ow holommenn, yn folsyow an garrek, yn goskes an kleger, diskwedh dhymm dha fas, gas vy dhe glewes dha lev, rag hweg yw dha lev, ha teg yw dha fas

Ysay 61:8

Rag my, an Arloedh, a gar gwirvreus, ha kasa ladrans dre sherewynsi, my a attal dhedha y'm lenduri, ha gul kevambos bys vykken gansa.

Ysay 66:3

Ladher ojyon yw kepar ha ladher gour; neb a sakrifi davas yw avello ev neb a derr konna ki; neb a dhrehav offrynn greun yw avello ev neb a offrynn goes hogh; neb a offrynn rann kovadh a frankynkys yw avello ev neb a vennik idol. I re dhewisas aga fordhow, hag yn aga thaklow kasadow aga enev y'n jeves delit.

Yeremia 6:20

Pandr'a amont dhymm frankynkys a-dhiworth Sheba, ha'n kalamus drudh a bow pell? Nyns yw agas offrynnow leskys kemmeradow, na nyns yw agas sakrifisow hweg plegadow dhymm.

Daniel 9:23

Orth dalleth dha aspysadow, ger a dheuth yn-mes, ha devedhys ov dh'y dherivas dhis, rag meurgerys os; ytho gwra vri a'n ger ha konvedh an welesigeth:

Levitikus 7:18

Ha mars eus neppyth a gig sakrifis y offrynnow kres dybrys an tressa dydh, ny vydh degemmerys na ny vydh reknys dhe neb a'n offrynn, ha ny vydh reknys dhodho; avel offrynn dhiworth neb a'n offrynn. Avlan vydh ha neb a'n deber a vydh kablus a'y gammweyth.

Mika 6:6

‘Gans pyth a dhov a-dherag an Arloedh, hag omblegya a-rag Duw a-vann? A dhov a-ragdho gans offrynnow leskys, gans leughi unn bloedh?

Mika 6:7

A vydh an Arloedh pes da a vil hordh, gans degow a vilyow a avonyow oyl? A rov vy ow hynsa genys rag ow hammweyth, frut ow horf rag peghes ow enev?’

Haggay 2:14

Ha Haggay a worthybis ow leverel: Yndella yw an bobel ma, hag yndella yw an kenedhel ma a dheragov, yn-medh an Arloedh: hag yndella yw gwriansow oll aga diwleuv, hag avlan yw an pyth a offrynnons ena.

Malaki 1:10

Piw yn agas mysk a wra degea darasow an tempel, ma na enowowgh ow alter yn euver? Nyns ov vy pes da ahanowgh hwi, yn-medh Arloedh an luyow. Ny dhegemmerav offrynn a'gas diwleuv.

Yowann 4:24

Duw yw Spyrys, ha res yw dh'y wordhyoryon y wordhya yn spyrys hag yn gwiryonedh.’