Lavarow Koth 15:32 - An Bibel Kernewek 20234 (Kernewek Kemmyn)

³² Neb a skorn dyskybleth a omdhispres, mes neb a woslow orth keredh a gyv konvedhes

Lavarow Koth 15:32 ပူးပေါင်းရင်းမြစ်များ

Salmow 50:17

Rag ty a gas dyskybleth, ha tewlel ow lavarow war dha lergh.

Lavarow Koth 1:7

Own an Arloedh yw an dalleth a wodhvos; fellyon a skorn furneth ha dyskans.

Lavarow Koth 10:17

Neb a with dyskans, yma ev y'n hyns dhe vewnans, mes neb a nagh dyskybleth a hembronk yn sowdhan.

Lavarow Koth 13:18

Boghosogneth ha meth a dheu dhe neb a skorn dyskybleth, mes neb a wra vri a geredh yw enorys.

Lavarow Koth 15:14

Kolonn den a'n jeves konvedhes a hwither godhvos, mes ganow fellyon a beur follneth.

Lavarow Koth 15:21

Follneth yw joy dhe neb na'n jeves skians, mes gour a gonvedhes a gerdh yn ewn.

Lavarow Koth 15:31

An skovarn hag a woslow orth keredh yaghus a drig yn mysk an re fur.

Lavarow Koth 15:33

Dyskans furneth yw own an Arloedh, hag uvelder a dheu a-rag enor.

Lavarow Koth 15:5

Den foll a skorn dyskybleth y das, mes neb a hwither keredh yw doeth.

Lavarow Koth 17:16

Prag yma an pris yn dorn foll rag prena furneth, pan nag eus dhodho an golonn dh'y gavoes?

Lavarow Koth 18:15

Brys poellek a gyv godhvos, ha skovarn tus fur a hwila godhvos.

Lavarow Koth 19:20

Goslow orth kusul ha degemmer dyskybleth, rag ma' fo furneth rag an termyn a dheu.

Lavarow Koth 29:1

Gour neb yw keredhys fest yn fenowgh, hag a bes kales y gilbenn, a vydh brewys distowgh, ha ny vydh eli.

Ekklesiastes 7:5

Gwell yw degemmeres keredhi a dhen fur ages gour dhe woslowes orth kan fellyon.

Ysay 1:5

Prag y fydhowgh gweskys hwath moy? Prag y pesyowgh yn rebellyans? An penn dien yw klav, oll an golonn yw klamderek.

Ysay 3:9

Semlans aga fas a worthyp er aga fynn ha disklerya aga fegh avel Sodom; ny's kudhons. Go-i aga enevow! rag i re dhros drog warnedha aga honan.

Yeremia 5:3

A Arloedh, a nyns yw dha lagas war an gwirder? ty re's gweskis mes ny wodhevons payn; ty re's diswrug, mes i re naghas degemmeres dyskybleth: i re wrug aga fasow kalessa ages karrek; i re naghas dehweles.

Dewteronomi 21:18

Mara'n jeffo gour mab gorth ha diwostydh, neb na woslow lev y das na lev y vamm, ha pan y'n kessydhyons ny woslow orta,

Dewteronomi 21:20

Yn-medhons dhe henavogyon y dre, ‘Agan mab ma yw gorth ha diwostydh. Ny woslow agan lev; diswar yw, ha penn-medhow.’

Ebrowyon 12:15

Gwaytyewgh ma na fallo nagonan a gavoes gras Duw; ma na eginno gwreydhenn hwerowder ha gul kedrynn, dredhi may teffo lies ha bos defolys;

Jamys 1:22

Bedhewgh gwrioryon a'n ger, heb bos goslowysi yn unnsel, owth omdoella.

Diskwedhyans 3:19

Myns a garav, a geredhav ha keski. Bydh diwysyk, ytho, ha kemmer edrek.