Lavarow Koth 15:2 - An Bibel Kernewek 20234 (Kernewek Kemmyn)

² Taves tus fur a afin godhvos, mes ganow an re foll a dhiver follneth.

Lavarow Koth 15:2 ပူးပေါင်းရင်းမြစ်များ

Salmow 45:1

Yma awen y'm kolonn ow tyghtya kan fin; my a gan ow ober gwrys rag an Myghtern; ow thaves yw pluvenn dhe skriba skentel.

Salmow 59:7

Otta, usa a wrons gans aga ganow, hag yma kledhedhyow yn aga gweusyow, ow leverel, ‘Piw a glew?’

Lavarow Koth 12:23

Den doeth a gudh y wodhvos, mes brys fellyon a dhyllo aga follneth.

Lavarow Koth 13:16

Yn pup-tra den doeth a omdheg gans godhvos, mes den foll a dhisplet y follneth.

Lavarow Koth 15:23

Gul gorthyp gwiw yw joy dhe wour, ha ger yn y dermyn, ass yw da!

Lavarow Koth 15:28

Brys an den gwiryon a ombreder fatell worthybir, mes ganow an debeles a dhiver drogedhow.

Lavarow Koth 15:7

Diwweus an re fur a les godhvos, mes ny wra kolonn fellyon yndella.

Lavarow Koth 16:23

Kolonn an den fur a wra y anow doeth, hag a geworr dyskans dh'y dhiwweus.

Lavarow Koth 5:2

rag may kyffi doethter, ha rag may hwittho dha dhiwweus godhvos.

Ekklesiastes 10:14

An foll yw leun a eryow; Ny woer denvyth an pyth a hwer, ha'n pyth a hwyrvydh a'y wosa, piw a yll y leverel dhodho?

Ekklesiastes 5:3

Kepar dell dheu hunrosow pan eus meur a fienasow, yndella y teu foll tavosek pan eus lies ger.

Ysay 50:4

An Arloedh Duw re ros dhymm taves an re yw dyskys, rag may hwodhviv fatell sostenav gans ger an den skwith. Myttin ha myttin ev a dhifun, ev a wra dhe'm skovarn difun rag goslowes kepar ha'n re yw dyskys.