Lavarow Koth 14:8 - An Bibel Kernewek 20234 (Kernewek Kemmyn)

⁸ Furneth den doeth yw dissernya y fordh, mes follneth fellyon yw toell.

Lavarow Koth 14:8 ပူးပေါင်းရင်းမြစ်များ

Salmow 111:10

Own an Arloedh yw an dalleth a furneth; yma skians da dhe oll an re a wra hemma; y wormola a dhur bys vykken.

Salmow 119:5

Unnweyth mar pe ow fordhow mar fast may hwrellen vy synsi dha ordenansow!

Salmow 119:73

Dha dhiwleuv re'm gwrug ha'm formya; gwra dhymm konvedhes, may tyskiv dha worhemmynnow.

Salmow 143:8

Gwra dhymm klewes dha dregeredh myttinweyth, rag ynnos jy y trestyav. Gwra dhymm godhvos an fordh y koedh dhymm kerdhes ynni, rag dhiso jy y trehavav ow enev.

Lavarow Koth 11:18

Tebelwas a dhendil gober ansertan, mes neb a has ewnder a'n jeves pewas sur.

Lavarow Koth 12:5

Towlow an re wiryon yw ewn, mes gidyans an debeles yw fals.

Lavarow Koth 15:21

Follneth yw joy dhe neb na'n jeves skians, mes gour a gonvedhes a gerdh yn ewn.

Lavarow Koth 2:9

Ena ty a gonvedh gwiryonedh ha gwirvreus, hag ewnder – pub hyns da;

Lavarow Koth 8:20

Yn fordh ewnder y kerdhav, dre hynsyow a wirvreus,

Ekklesiastes 2:13

Ena my a welas bos gwayn dhe furneth moy ages henna dhe follneth, kepar dell yw gwayn an golow moy es henna dhe'n tewlder:

Ekklesiastes 2:16

Ny vydh kov bys vykken naneyl dhe'n den fur, na dhe'n den foll, rag peub a vydh ankevys y'n dydhyow a dheu. Ass wra an den fur merwel kepar ha'n foll!

Yeremia 13:20

Drehevewgh agas dewlagas, ha gweles an re a dheu a'n gogledh: ple'ma an flokk a veu res dhis, dha flokk teg?

1 Korinthianys 3:19

Rag skentoleth an bys ma yw follneth gans Duw. Rag skrifys yw, ‘Ev a vagel an dus skentel yn aga felder’,

Efesianys 4:22

may hworrewgh mes ahanowgh an den koth, agas bewedh kyns, yw shyndys dre fals hwansow,

Efesianys 5:17

Rakhenna, na vedhewgh gokki, mes konvedhewgh pyth yw bolonjedh an Arloedh.

2 Timothi 3:13

Mes tus dhrog ha faytours a wra mos yn-rag gweth ha gweth ow toella, hag ow pos toellys.

Jamys 3:13

Piw yntredhowgh yw fur ha skentel? Der y gonversashyon da, diskwedhes ev y wriansow yn uvelder furneth.