Lavarow Koth 14:26 - An Bibel Kernewek 20234 (Kernewek Kemmyn)

²⁶ Yn own an Arloedh y kevir fydhyans krev, ha'y fleghes a's tevydh skovva.

Lavarow Koth 14:26 ပူးပေါင်းရင်းမြစ်များ

Lavarow Koth 19:23

Own an Arloedh a led dhe vewnans; neb a'n jeves ev a bowes attes, ny vydh ev ow perthi dregynn.

Lavarow Koth 18:10

Hanow an Arloedh yw tour krev, an den gwiryon a boen a-bervedh ynno hag yw saw.

Ysay 33:6

Ev a vydh fyrvder dha dermynyow, rychys a selwyans, furneth ha skentoleth; own an Arloedh yw y dresor.

Malaki 4:2

An howl a ewnder a wra drehevel gans yeghes yn y eskelli ragowgh hwi neb a berth own a'm hanow. Ha hwi a wra mos yn-mes ha terlemmel avel leughi peskys livrys a'n stall.

Salmow 112:1

Gormelewgh an Arloedh. Gwynnvys an gour a berth own a'n Arloedh, a lowenha yn feur yn y worhemmynnow.

Oberow 9:31

Ytho, yth esa kres dhe'n eglos dres oll Yudi ha Galile ha Samaria, ha drehevys veu; ow kerdhes yn own an Arloedh hag yn konfort an Spyrys Sans, hi a balshas.

Ekklesiastes 7:18

Da yw ty dhe settya dalghenn y'n eyl gwarnyans, ha na wra gasa dha dhalghenn yn y gila; rag neb a berth own a Dhuw a dhienk dhiworth oll an taklow ma.

Jenesis 31:42

Na ve genev vy Duw ow thas, Duw Abraham, hag Own Ysak, sur yw y hwruss'ta lemmyn ow dannvon gwag yn-kerdh. Duw a welas ow galarow ha lavur ow dorn, hag ev a'th rebukyas nyhewer.’

Yeremia 15:11

An Arloedh a leveris, Sur, my a'th tannvon dhe-ves rag dha les dha honan, devri my a wra dhe'n eskar pledya ragos yn termyn drogedh hag yn termyn galar.

Lavarow Koth 14:27

Own an Arloedh yw fenten a vewnans, rag may haller avoydya maglennow ankow.

Lavarow Koth 20:7

Den gwiryon a gerdh yn tivlam: gwynnvys y fleghes war y lergh.