Lavarow Koth 14:16 - An Bibel Kernewek 20234 (Kernewek Kemmyn)

¹⁶ Den fur yw war hag a dreyl dhiworth droktra, mes an den foll a sorr heb fronn hag yth yw dibreder.

Lavarow Koth 14:16 ပူးပေါင်းရင်းမြစ်များ

Jenesis 33:9

Mes yn-medh Esaw, ‘Genev vy yma pals, ow broder. Bedhes dhiso an pyth usi genes.’

Jenesis 42:18

Y'n tressa dydh yn-medh Yosep dhedha, ‘Gwrewgh hemma ha hwi a vew; rag my a berth own a Dhuw.

1 Myghternedh 19:2

Ena Yezebel a dhannvonas kannas dhe Elias, ow leverel, ‘Yndellma re wrello an duwow dhymm, ha moy keffrys, mar ny wrav dha vewnans avel bewnans onan anedha erbynn an termyn ma a-vorow.’

1 Myghternedh 20:18

Ev a leveris, ‘Mar teuthons yn-mes yn kres, kemmerewegh i yn few; mar teuthons yn-mes rag bresel, kemmerewgh i yn few.’

Nehemia 5:15

Mes an governours kyns, re bia kyns ow thermyn vy, a settsa beghyow poes war an bobel ha kemmeres dhiworta dew-ugens shekel a arghans war-barth gans boes ha gwin. Aga servysi ynwedh a lordya war an bobel. Mes ny wrug vy yndella rag own Duw.

Job 1:1

Yth esa gour yn bro Us, Job y hanow, ha perfydh hag ewnhynsek o an gour na, hag yth esa dhodho own a Dhuw hag ev a dreylyas dhiworth drog.

Job 28:28

Hag ev a leveris dhe vab-den, “Otta, own an Arloedh – furneth yw henna; ha skonya drog yw konvedhes.” ’

Salmow 119:120

Ow hig a gren rag own ahanas, ha my a berth own a'th vreusow.

Salmow 34:14

Treyl dhiworth drog, ha gwra da; hwila kres, ha'y helghya.

Lavarow Koth 1:32

Rag an re sempel yw ledhys gans aga dislelder, hag omfydhyans an fellyon a's distru;

Lavarow Koth 14:15

An den sempel a grys pup-tra, mes an den doeth a breder a gammow y dhewdroes.

Lavarow Koth 14:17

Den yw tanek y natur a wra yn foll, ha gour a vrasow yw kasadow.

Lavarow Koth 16:17

Fordh-veur an dus ewnhynsek a dreyl dhiworth drog; neb a woel war y fordh a with y enev.

Lavarow Koth 16:6

Dre dregeredh ha lenduri yw kammweyth dasprenys, ha der own an Arloedh den a omwith rag drog.

Lavarow Koth 22:3

An den doeth a wel peryll hag omgudh, mes an re sempel a yn-rag hag a be an pris.

Lavarow Koth 28:14

Gwynnvys an den neb a'n jeves own pup-prys, mes neb yw kales y golonn a goedh yn anfeus.

Lavarow Koth 29:9

Mara'n jeves gour fur ken gans gour foll, yma predheges ha skorn, ha nyns eus kalmynsi.

Lavarow Koth 3:7

Na vydh fur y'th tewlagas dha honan; porth own a'n Arloedh, ha treyl dhiworth drog.

Lavarow Koth 7:22

Distowgh ev a's hol, par dell a an ojyon dhe'n ladhva, po dell yw karow synsys fast yn maglenn

Ekklesiastes 10:13

Dalleth geryow y anow yw follneth, ha diwedh y gows yw muskokter glan.

Niverow 22:27

Pan welas an asen el an Arloedh, hi a wrowedhas yn-dann Balaam; ha sorr Balaam a veu enowys, hag ev a weskis an asen gans y welenn.

Yowann 9:40

Ha re a'n Fariseow neb esa ganso a glewas hemma, ha leverel dhodho, ‘On ni ynwedh dall?’

1 Thessalonianys 5:22

Omwithewgh rag drog a bub eghenn.