Lavarow Koth 14:14 - An Bibel Kernewek 20234 (Kernewek Kemmyn)

¹⁴ Den dislen yn y golonn a vydh attylys rag y fordhow, mes gour da a vydh gobrys rag y weythresow.

Lavarow Koth 14:14 ပူးပေါင်းရင်းမြစ်များ

Salmow 109:17

Ev a garas molleth, ha hi a dheu dhodho; ny vynnas bennath, ha pell yw hi dhiworto.

Lavarow Koth 12:14

A froeth y anow gour a gyv y walgh a dhader, hag ober diwleuv den a vydh attylys dhodho.

Lavarow Koth 12:21

Ny hwer droktra vyth dhe'n re wiryon, mes an debeles yw lenwys a drobel.

Lavarow Koth 14:10

An golonn a aswonn hy hwerowder hy honan, ha nyns yw estren kevrennek a'y joy.

Lavarow Koth 14:15

An den sempel a grys pup-tra, mes an den doeth a breder a gammow y dhewdroes.

Lavarow Koth 18:20

A froeth y anow gour yw lenwys; gwalghys yw gans askorr y dhiwweus.

Lavarow Koth 9:12

Mars osta fur, yth yw rag dha les dha honan, mes mar skornydh, ty dha honan a'n perth.

Yeremia 17:5

Yndellma y lever an Arloedh: Milliges vydh an gour a fydh yn den, ha gul kig y nerth, ha may treyl y golonn a-dhiworth an Arloedh.

Yeremia 2:19

Dha dhrogedh dha honan a'th keredh, ha'th weythresow dislel a'th chasti: godhvydh ytho ha gweles y vos drog ha hwerow, ty dhe eskasa an Arloedh dha Dhuw, ha ma nag eus ow own ynnos, yn-medh an Arloedh, Duw an luyow.

Yeremia 8:5

Ytho prag y hwrug an bobel ma, Yerusalem, treylya yn kildennans pup-prys? I a syns fast dhe doell, i a nagh dehweles.

Ezekiel 22:31

Ytho my a dhiveris ow sorrvann warnedha; my re's konsumyas gans tan ow honnar; my re attylis aga fordh war aga fenn aga honan, yn-medh an Arloedh Duw.

Hosea 4:16

Ytho Ysrael yw gorth avel lejek penn-kales. Lemmyn an Arloedh a's bugel avel oen yn pras efan.

Sefania 1:6

ha'n re a dreyl dhiworth an Arloedh; ha'n re na hwilas an Arloedh ha na wovynnas kusul dhiworto.

Yowann 4:14

mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

2 Korinthianys 1:12

Lemmyn, hemm yw agan bost, dustuni agan kowses, ni dhe omdhegi y'n bys yn sempledh ha gwiryonsys Duw, heb skentoleth an kig mes dre ras Duw, ha dres oll orthowgh hwi.

Galatianys 6:4

Mes preves pubonan y ober y honan, hag ena y'n jevydh skila rag bostyans ynno ev y honan, a-der yn den arall;

Galatianys 6:8

rag neb a wra hasa dh'y gig y honan, dhiworth an kig ev a wra mysi podredhes; mes neb a wra hasa dhe'n Spyrys, dhiworth an Spyrys y hwra ev mysi bewnans heb diwedh.

Ebrowyon 3:12

Kemmerewgh with, breder, ma na vo yn denvyth ahanowgh tebelgolonn ankryjyk, ow treylya dhiworth an Duw bew.