Lavarow Koth 14:11 - An Bibel Kernewek 20234 (Kernewek Kemmyn)

¹¹ Chi an debeles a vydh distruys, mes tylda an re ewnhynsek a vleujyow.

Lavarow Koth 14:11 ပူးပေါင်းရင်းမြစ်များ

Job 15:34

Rag kuntelles an dus dhidhuw yw anvap, ha tan a lesk an tyldow a falswober.

Job 18:21

Yndella yth yw annedhow an dhrogoberer yn sur, ha hemm yw tyller an den na aswonn Duw.’

Job 21:28

Rag hwi a lever, “Ple'ma chi an pennsevik lemmyn? Ha ple'ma an tyldow mayth esa an dhrogoberoryon trigys?”

Job 8:15

Ev a boes erbynn y ji mes ny sev; ev a'n dalghenn mes ny dhur.

Job 8:22

An re a'th kas a vydh gwiskys yn bismer, ha tylda an dhebelwesyon a vydh gyllys dhe goll.’

Job 8:6

mars os pur hag ewnhynsek, lemmyn ev a dhifun ragos ha'th restorya dhe'th annedh gwiw.

Salmow 128:3

Dha wreg a vydh kepar ha gwinbrenn leun a frut a-bervedh yn dha chi; ha'th fleghes kepar hag eginyow olewbrenn oll a-dro dhe'th voes.

Salmow 37:10

Hwath pols byghan ha ny vydh an tebelwas namoy; ty a vir orth y dyller, ha ny vydh ev ena.

Lavarow Koth 11:28

Neb a drest yn y rychys a goedh, mes an re wiryon a sewen avel del glas.

Lavarow Koth 12:7

An debeles yw domhwelys ha nyns esons na fella, mes chi an re wiryon a sev.

Lavarow Koth 15:25

An Arloedh a derr dhe'n dor chi an re woethus, mes ev a venten orven an wedhwes.

Lavarow Koth 21:12

An den gwiryon a wra vri a ji an tebelwas; ev a dhomhwel an debeles dhe derroes.

Lavarow Koth 21:20

Yma tresor drudh hag oyl yn annedh an den fur, mes den foll a'n gollenk.

Lavarow Koth 3:33

Yma molleth an Arloedh war ji an drogoberer, mes ev a vennik annedh an re wiryon.

Zekaria 5:4

My a wra hy dannvon yn-mes, yn-medh Arloedh an luyow, ha hi a enter chi an lader ha chi an den a wowli re'm hanow. Hi a drig yn kres y ji ha'y dhistrui, gans y blenkynnow ha'y veyn.’