Lavarow Koth 13:8 - An Bibel Kernewek 20234 (Kernewek Kemmyn)

⁸ Daspren bewnans den yw y byth, mes ny'n jeves den boghosek godros.

Lavarow Koth 13:8 ပူးပေါင်းရင်းမြစ်များ

2 Myghternedh 24:14

Ev a dhug oll Yerusalem yn divroedh, oll an spadhesigyon, oll an vreselyoryon, deg mil dhivres, oll an greftoryon ha'n wovyon: denvyth ny veu gesys, marnas boghosekka pobel an tir.

2 Myghternedh 25:12

Mes kapten an withysi a asas re a voghosekka tus an tir dhe vos gonedhysi gwinlannow ha gonedhysi tir.

Job 2:4

Ena Satnas a worthybis dhe'n Arloedh, ‘Kroghen rag kroghen. Pup-tra oll a'n jeves gour, ev a'n re a-barth y vewnans.

Eksodus 21:30

Mar pydh ronson gorrys warnodho, ena ev a re rag dasprena y vewnans pynag a vo gorrys warnodho.

Lavarow Koth 13:7

Unn den a omwra rych, mes ny'n jeves travyth, onan arall a omwra boghosek, pan y'n jeves pyth meur.

Lavarow Koth 13:9

Golow an re wiryon a lowenha, mes lugarn an debeles a vydh difeudhys.

Lavarow Koth 14:24

Kurun an re fur yw aga rychys, mes follneth yw garlont an fellyon.

Lavarow Koth 6:35

Ny vynn ev degemmeres attal vyth; na ny vydh ev pes da, kyn redh rohow pals.

Yeremia 39:10

Mes Nebuzaradan kapten an withysi a asas boghosogyon an bobel, na's tevo travyth, yn pow Yuda, ha ri dhedha gwinlannow ha parkow y'n keth prys.

Yeremia 41:8

Mes yth esa deg gwer kevys yn aga mysk neb a leveris dhe Yshmael, ‘Na'gan ladh, rag ni a'gan beus y'n parkow tresoryow kudhys a waneth, heydh, oyl ha mel.’ Ytho ev a hedhis, ha ny's ladhas war-barth gans aga breder.

Sefania 3:12

My a as ynwedh a-berth ynnos pobel boghosek ha gwann, hag i a hwila skovva yn hanow an Arloedh.

Matthew 16:26

Rag py les a vydh dhe dhen mar kwra ev gwaynya oll an bys mes ev a gyll y enev y honan? Po pandr'a wra den y ri yn attal rag y enev?

Luk 12:23

Rag bewnans yw moy ages boes, ha'n korf yw moy ages dillas.