Lavarow Koth 13:22 - An Bibel Kernewek 20234 (Kernewek Kemmyn)

²² Den da a as eretons dhe vebyon y vebyon, mes pyth an peghador yw gwithys rag an den gwiryon.

Lavarow Koth 13:22 ပူးပေါင်းရင်းမြစ်များ

Ezra 9:12

Lemmyn ytho na rewgh agas myrghes dh'aga mebyon, ha na gemmerewgh aga myrghes dh'agas mebyon. Nevra na hwilewgh kevambos kres gansa, may fowgh krev, ha dybri dader an tir, ha'y asa dh'agas fleghes avel eretons bynitha.”

Salmow 102:28

Fleghes dha wesyon a dhur; ha'ga has a vydh fastys y'th wolok.

Salmow 112:2

Y has a vydh galloesek war an nor; henedh an re ewnhynsek a vydh benniges.

Salmow 128:6

Ha ty a wel an fleghes a'th fleghes jy; kres war Ysrael.

Salmow 37:25

Yowynk veuv, lemmyn koth ov vy, mes bythkweth ny welis an den gwiryon gesys, na'y has ow peggya bara.

Lavarow Koth 17:6

Fleghes wynn yw kurun an re goth, ha glori mebyon yw aga thasow.

Lavarow Koth 28:8

Neb a voghha y rychys der oker ha moghheans a'n kuntell a-barth den arall a vydh hegar dhe'n voghosogyon.

Ekklesiastes 2:26

Rag dhe neb yw plegadow dhodho, Duw a re furneth ha godhvos ha plesour, mes dhe'n peghador ev a re an oberenn a guntell ha bernya rychys hag ena dhe ri an keth henna dhe biwpynag a vo plegadow dhe Dhuw. Hemma ynwedh yw euveredh ha chasya war-lergh an gwyns.