Lavarow Koth 13:16 - An Bibel Kernewek 20234 (Kernewek Kemmyn)

¹⁶ Yn pup-tra den doeth a omdheg gans godhvos, mes den foll a dhisplet y follneth.

Lavarow Koth 13:16 ပူးပေါင်းရင်းမြစ်များ

Salmow 112:5

Dremas yw grassyes hag ev a re kendon; ev a dhyght y negysyow gans breus.

Lavarow Koth 14:33

Furneth a bowes yn brys den a gonvedhes, hag yth yw aswonnys hwath yn kolonn fellyon.

Lavarow Koth 15:2

Taves tus fur a afin godhvos, mes ganow an re foll a dhiver follneth.

Lavarow Koth 18:2

Ny lowenha foll yn konvedhes, mes unnsel ow tiskwedhes brys y golonn y honan.

Lavarow Koth 21:24

An orgelus goethus, ‘Skornyer’ y hanow, a omdheg gans balghder dres musur.

Ekklesiastes 10:13

Dalleth geryow y anow yw follneth, ha diwedh y gows yw muskokter glan.

Ekklesiastes 10:3

Ha pan gerdh foll war an fordh, nyns eus skians dhodho, hag ev a dhiskwa dhe bubonan y vos foll.

Ysay 52:13

Otta, ow gwas a wra seweni, ughelhes vydh ha drehevys yn-bann, hag ev a vydh fest ughel.

Matthew 10:16

‘Awotta, my a'gas dannvon yn-mes avel deves yn mysk bleydhi; rakhenna bedhewgh fur avel serf ha gwiryon avel kelemmi.

Romanyon 16:19

Rag agas gostytter yw aswonnys gans tus oll, bys may lowenhav warnowgh; my a vynn orthowgh bos fur dhe'n da ha gwiryon dhe'n drog.

1 Korinthianys 14:20

Breder, na vedhewgh fleghes yn agas tybyans, mes bedhewgh babanes yn droktra, hag yn tybyans bedhewgh adhves.

Efesianys 5:17

Rakhenna, na vedhewgh gokki, mes konvedhewgh pyth yw bolonjedh an Arloedh.

1 Samuel 25:17

Lemmyn rakhenna godhvydh ha preder pandr'a wredh; rag drog re beu ervirys erbynn agan mester hag erbynn oll y ji; rag ev yw mab Belial ha ny yll denvyth kewsel orto.’

1 Samuel 25:25

Na wres ow arloedh, my a'th pys, gul vri a'n gour Belial ma, Nabal; rag kepar dell yw y hanow, yndella yw ev; Nabal yw y hanow, hag yma follneth ganso; mes my, dha vaghteth, ny welis vy gwer yowynk ow arloedh, neb a dhannvensys.