Lavarow Koth 13:13 - An Bibel Kernewek 20234 (Kernewek Kemmyn)

¹³ Neb a skorn an ger a dheg diswrians warnodho y honan, mes neb a berth own a'n gorhemmynn a'n jevydh gober.

Lavarow Koth 13:13 ပူးပေါင်းရင်းမြစ်များ

2 Kroniklys 36:16

mes i a wre ges a gannasow Duw, ow tispresya y eryow, hag ow skornya y brofoesi, bys pan o gyllys konnar an Arloedh orth y bobel mar vras, ma nag esa remedi.

Ezra 10:3

Lemmyn gwren ni kevambos gans agan Duw dhe dhannvon yn-kerdh oll an gwragedh, ha'n re dineythys anedha, herwydh kusul ow arloedh, ha dhe'n re a berth own a worhemmynn agan Duw. Bedhes gwrys herwydh an lagha.

Salmow 115:13

Ev a vennik an re a berth own a'n Arloedh, kekeffrys byghan ha bras.

Salmow 119:165

Kres meur a vydh dhe'n re a gar dha lagha, ha nyns eus travyth a wrello dhedha trebuchya.

Salmow 19:11

Dha was ynwedh yw gwarnys gansa; yma gober meur dhe'n re a wra aga synsi

Salmow 19:12

Piw a woer konvedhes y gammweythresow? Glanha vy dhiworth ow feghosow kudh.

Eksodus 9:20

Ena, ev neb a borthas own a er an Arloedh yn mysk servysi Faro a wrug dh'y gethyon ha'y warthek fia dhe'n chiow;

Lavarow Koth 1:25

ha hwi re dhispresyas oll ow husul ha ny wrussowgh vri a'm keredh;

Lavarow Koth 13:12

Govenek delatys a wra dhe'n golonn bos klav, mes hwans kowlwrys yw gwydhenn a vewnans.

Lavarow Koth 13:21

Anfeus a hol peghadoryon, mes sewena a re pewas dhe'n re wiryon.

Lavarow Koth 16:20

Neb yw doeth yn y negys a sewen, ha gwynn y vys neb a drest y'n Arloedh.

Lavarow Koth 19:16

Neb a with an gorhemmynn a with y enev; neb a dhispres y fordhow a verow.

Ysay 66:2

Oll an taklow ma ow leuv a's gwrug, ha dhymmo vy yw oll an taklow ma, yn-medh an Arloedh. Hemm yw an den a wrav vri anodho, an den truan, trogh y spyrys, neb a gren orth ow ger.

Yeremia 43:2

Azaria mab Hoshaia ha Yohanan mab Kareagh hag oll an wer valgh a leveris dhe Yeremia, ‘Ty a wowlever. Ny'th tannvonas an Arloedh agan Duw dhe leverel, “Nag ewgh dhe Ejyp dhe driga ena”;

Ezekiel 20:13

Byttegyns chi Ysrael a rebellyas er ow fynn y'n difeythtir. Ny gerdhsons war-lergh ow ordenansow, mes i a dhenaghas ow breusow, kyn fydh bew seul a's gwith; hag i a dhisakras ow sabotys yn feur. Ena yn-medhav, My a dhiver ow honnar warnedha y'n difeythtir, dh'aga howldhistrui.

Ezekiel 20:16

drefenn i dhe dhenagha ow breusow, ha ny gerdhsons y'm ordenansow, hag i a dhisakras ow sabotys; rag yth esa aga holonn ow mos war-lergh aga idolys.

Ezekiel 20:24

drefenn na wrens ow breusow, hag i a naghas ow ordenansow, ha disakra ow sabotys, mes yth esa aga lagasow settys war idolys aga thasow.

Malaki 3:16

Ena an re a berthi own a'n Arloedh a geskewsi an eyl gans y gila, ha'n Arloedh a woslowas ha klewes. Lyver kovadh a veu skrifys a-ragdho a-dro dhe'n re a berthi own a Arloedh ha prederi a'y Hanow.

Niverow 15:31

Drefenn ev dhe dhispresya ger an Arloedh, ha treghi y worhemmynn, an den na a vydh treghys dhe-ves yn tien; y gammweyth a vydh warnodho.

Matthew 5:12

Lowenhewgh ha bedhewgh pur heudhik, rag meur yw agas gober y'n nevow, rag yndella y hwrussons helghya an brofoesi neb a veu kyns agas prys hwi.

Luk 16:31

Ev a leveris dhodho, “Mar ny woslowons orth Moyses ha'n brofoesi, namoy ny grysons mar sev nebonan dhiworth an re varow.” ’

2 Yowann 1:8

Mirewgh orthowgh agas honan, na gellowgh an traow re wrussyn mes degemmeres leun bewas.