Lavarow Koth 13:12 - An Bibel Kernewek 20234 (Kernewek Kemmyn)

¹² Govenek delatys a wra dhe'n golonn bos klav, mes hwans kowlwrys yw gwydhenn a vewnans.

Lavarow Koth 13:12 ပူးပေါင်းရင်းမြစ်များ

Jenesis 46:30

Hag yn-medh Ysrael dhe Yosep, ‘Gas vy dhe verwel lemmyn wosa gweles dha fas, rag ty dhe vos hwath yn few.’

Nehemia 2:2

Ytho an myghtern a leveris dhymm, ‘Prag yth yw trist dha fas, kyn nag os jy klav? Nyns yw hemma travyth marnas tristans an golonn.’ Ena my a borthas own bras.

Salmow 143:7

Fisten dhe worthybi dhymm, A Arloedh, rag ow spyrys a fyll. Na gudh dha fas ragov, ma na viv kepar ha'n re a dhiyskynn dhe'n pytt.

Salmow 17:15

Mes my a hwither war dha fas yn ewnder; lowr vydh ragov, pan dhifunav, gweles dha furv.

Salmow 69:3

Skwith ov vy ow karma; ronk yw ow bryansenn. Ow dewlagas a fyll, ha my ow kortos ow Duw.

Lavarow Koth 11:30

Froeth an den gwiryon yw gwydhenn a vewnans, mes neb a wayn enevow yw fur.

Lavarow Koth 13:11

Pyth kevys yn hast a leha, mes neb a guntell tamm ha tamm a'n ynkress.

Lavarow Koth 13:13

Neb a skorn an ger a dheg diswrians warnodho y honan, mes neb a berth own a'n gorhemmynn a'n jevydh gober.

Lavarow Koth 13:19

Hwans kowlwrys yw hweg dhe'n enev, mes treylya dhiworth drog yw tra gasadow dhe'n re foll.

Lavarow Koth 3:18

Gwydhenn a vewnans yw hi dhe'n re a's syns, ha gwynn y vys neb a's dalghenn fast.

An Gan a Ganow 5:8

My a'gas konjor, A vyrghes Yerusalem, mar kevowgh ow haradow, leverewgh orto ow bos klav dre gerensa.

Yowann 16:22

Hag ytho, hwi a'gas beus tristyns lemmyn; mes my a'gas gwel arta, ha'gas kolonn a lowenha, ha'gas lowena ny wra denvyth hy hemmeres dhiworthowgh.

Diskwedhyans 2:7

Neb a'n jeffo skovarn, klewes ev an pyth a lever an Spyrys dhe'n eglosyow. Dhodho ev a fettho, my a re dhe dhybri a'n wydhenn a vewnans usi yn mysk paradhis Duw.

Diskwedhyans 22:2

Yn kres hy stret, hag orth pub tu a'n avon, yma gwydhenn bewnans, ow toen dewdhek trevas a frut, ow ri hy frut pub mis, hag yma del an wydhenn rag yaghheans an kenedhlow.