Lavarow Koth 12:8 - An Bibel Kernewek 20234 (Kernewek Kemmyn)

⁸ Gour yw kommendys herwydh y dhoethter, mes den a vrys treus yw dispresys.

Lavarow Koth 12:8 ပူးပေါင်းရင်းမြစ်များ

Jenesis 41:39

Ytho Faro a leveris dhe Yosep, ‘A-ban wrug Duw diskwedhes hemma oll dhiso, nyns eus denvyth mar dhoeth ha fur avelos.

Salmow 132:18

Y eskerens my a wisk gans meth, mes warnodho y fydh y gurun ow splanna.’

Lavarow Koth 1:26

my ynwedh, my a wra hwerthin orth agas terroes; my a wra ges ahanowgh pan dheu skruth warnowgh,

Lavarow Koth 12:7

An debeles yw domhwelys ha nyns esons na fella, mes chi an re wiryon a sev.

Lavarow Koth 12:9

Gwell yw den a savla uvel, ha dhodho gwas, ages onan hag a omwra den a vri ma nag eus dhodho bara.

Lavarow Koth 29:27

Gour anewn yw tra gasadow dhe'n re wiryon, mes an re ewnhynsek yw tra gasadow dhe'n tebelwas.

Lavarow Koth 3:35

An re fur a erit enor, mes an fellyon a's tevydh bismer.

Lavarow Koth 5:23

Ev a verow drefenn fowt a dhyskybleth, ha drefenn y follneth veur yth a yn stray.

Ekklesiastes 8:1

Piw yw kepar ha'n den fur? ha piw a woer an styryans a dra? Furneth den a wra dh'y fas golowi, ha semlans anhwek y fas yw treylys.

Ysay 19:14

An Arloedh re gemmyskas a-ji dhedhi spyrys gorth; i a wra dhe Ejyp trebuchya yn oll hy gwriansow, kepar dell drebuch penn-medhow yn y hwyj.

Daniel 12:2

Ha tus pals usi ow koska yn doust an dor a dhifun, re dhe vewnans heb diwedh, ha re dhe veth ha dhe vismer bys vykken.

Luk 16:8

Ha'n mester a gommendyas an rennyas dislel, rag ev dhe wul yn fur. Rag mebyon an bys ma yw moy doeth a-dro dh'aga hevoesogyon es dell yw mebyon an golow.

Oberow 12:23

Hware el an Arloedh a'n gweskis, drefenn na ros ev an gordhyans dhe Dhuw, ha devorys gans pryves ev a verwis.

1 Korinthianys 4:5

Na vreusewgh travyth, ytho, kyns an ewn-dermyn may teffo an Arloedh, neb a wra golowi traow kudhys y'n tewlder keffrys diskwedhes kusulyow an golonn; hag y'n eur na kettep onan a wra kavoes y wormola dhiworth Duw.

2 Korinthianys 10:18

rag nyns yw ev neb a omgommend y honan neb yw degemmerys, mes ev neb yw kommendys gans an Arloedh.

1 Samuel 13:13

Samuel a leveris dhe Sowl, ‘Ty re wrug yn foll; ny withsys arghadow an Arloedh dha Dhuw, a erghis dhis. An Arloedh a wrussa fastya dha wlaskor war Ysrael bynitha,

1 Samuel 16:18

Ena onan a'n wesyon a worthybis, ‘My re welas mab a Yesse an Bethlehemyas neb a woer seni, ha gour kolonnek, kasor, fur yn kows, ha gour a semlans da; hag yma an Arloedh ganso.’

1 Samuel 18:30

Ena pennhembrenkysi an Filistysi a dheuth yn-mes dhe vatalyas; ha peskweyth may hwrens i dos yn-mes, Davydh a seweni moy ages oll gwesyon Sowl, may teuth ha bos y ger-da pur vras.

1 Samuel 2:30

Rakhenna an Arloedh, Duw Ysrael a dhiskler: “My a leveris yn hwir dha ji ha chi dha das dhe gerdhes a-dheragov bys vykken”; mes lemmyn an Arloedh a dhiskler: “Pell bedhes dhiworthiv; rag an re neb a'm enor my a enor, ha'n re neb a'm dispres a vydh dyghtys gans bismer.

1 Samuel 25:17

Lemmyn rakhenna godhvydh ha preder pandr'a wredh; rag drog re beu ervirys erbynn agan mester hag erbynn oll y ji; rag ev yw mab Belial ha ny yll denvyth kewsel orto.’