Lavarow Koth 12:24 - An Bibel Kernewek 20234 (Kernewek Kemmyn)

²⁴ Leuv an dus dhiwysyk a reyn, mes den diek a vydh gorrys dhe hwel krev.

Lavarow Koth 12:24 ပူးပေါင်းရင်းမြစ်များ

Jenesis 49:15

Ev a welas bos da y bowesva, ha hweg an tir; ev a blegyas y skoedh dhe'n begh, hag a veu gorrys dhe hwel krev avel kethwas.

1 Myghternedh 11:28

Yeroboam o gour pur alloesek, ha pan welas Solomon bos an gour yowynk diwysyk ev a'n gwrug rewler war oll an lavur konstrynys a ji Yosep.

1 Myghternedh 12:20

Pan glewas oll Ysrael Yeroboam dhe dhehweles, i a dhannvonas ha'y elwel dhe'n kuntelles ha'y wul myghtern war oll Ysrael. Nyns esa nagonan a holyas chi Davydh, saw unnsel loeth Yuda.

1 Myghternedh 9:21

aga diyskynnysi o gesys hwath y'n tir, an re na ylli Ysrael aga howlladha – an re ma a veu konstrynys rag lavur kethneth, hag yndella yth yns bys y'n jydh ma.

Lavarow Koth 10:4

Leuv lows a wra boghosogneth, mes leuv an re dhiwysyk a wra rychys.

Lavarow Koth 12:27

Ny wra an den diek rostya y breydh, mes drudh yw pythow an den diwysyk.

Lavarow Koth 13:4

Ewl an den diek a yeun, ha ny gyv mann, mes ewl tus dhiwysyk a dhegemmer blonek.

Lavarow Koth 17:2

Keth neb a dhyght yn fur a rewl mab neb a dhre mewl, hag ev a gevrenn an eretons yn mysk an vreder.

Lavarow Koth 19:15

Sygerneth a dewl yn kosk down, ha'n enev diek a berth nown.

Lavarow Koth 22:13

An den diek a lever, ‘Yma lew yn-mes; my a vydh ledhys y'n stretow.’

Lavarow Koth 22:29

A welydh an gour skentel yn y ober? Ev a sev a-rag myghternedh; ny sev a-rag tus kemmyn.

Breusysi 1:28

Pan dheuth Ysrael ha bos krev, i a worras an Kananysi dhe hwel krev, mes ny wrussons aga chasya dhe-ves yn tien.