Lavarow Koth 12:23 - An Bibel Kernewek 20234 (Kernewek Kemmyn)

²³ Den doeth a gudh y wodhvos, mes brys fellyon a dhyllo aga follneth.

Lavarow Koth 12:23 ပူးပေါင်းရင်းမြစ်များ

Nehemia 2:12

Ena my a sevis y'n nos, my ha nebes tus genev; ha ny dherivis vy dhe dhenvyth an pyth re worrsa ow Duw y'm kolonn dhe wul rag Yerusalem. Nyns esa best vyth genev saw an best esen vy ow marghogeth warnodho.

Nehemia 2:16

Ha ny wodhya an soedhogyon ple'th yth vy na pandra esen vy ow kul; ha ny dherivsen vy hwath dhe'n Yedhewon, na dhe'n oferysi, na dhe'n ugheloryon, na dhe'n soedhogyon, na dhe nebonan arall a vedha ow kemmeres rann y'n ober.

Lavarow Koth 10:14

Tus fur a gudh godhvos, mes klapp den foll a dhre diswrians yn ogas.

Lavarow Koth 10:19

Pan vo geryow pals, ny fyll kammweythres, mes neb a fronn y dhiwweus yw doeth.

Lavarow Koth 11:13

Neb a gerdh a-derdro avel hwedhler a dhiskudh kevrinyow, mes neb yw lel yn spyrys a with tra yn kudhys.

Lavarow Koth 13:16

Yn pup-tra den doeth a omdheg gans godhvos, mes den foll a dhisplet y follneth.

Lavarow Koth 14:33

Furneth a bowes yn brys den a gonvedhes, hag yth yw aswonnys hwath yn kolonn fellyon.

Lavarow Koth 15:2

Taves tus fur a afin godhvos, mes ganow an re foll a dhiver follneth.

Lavarow Koth 18:2

Ny lowenha foll yn konvedhes, mes unnsel ow tiskwedhes brys y golonn y honan.

Lavarow Koth 29:11

An den foll a leun dhiskwa y sorr, mes an den fur a'n fronn.

Ekklesiastes 10:3

Ha pan gerdh foll war an fordh, nyns eus skians dhodho, hag ev a dhiskwa dhe bubonan y vos foll.

1 Samuel 10:16

Hag yn-medh Sowl dh'y ewnter, ‘Ev a ros derivas dhyn, an asenes dhe vos trovys’, mes ny dherivas dhodho a-dro dhe'n myghternsys, an pyth a leveris Samuel.