Lavarow Koth 12:22 - An Bibel Kernewek 20234 (Kernewek Kemmyn)

²² Gweusyow gowek yw tra gasadow dhe'n Arloedh, mes an re a omdheg yn lel yw y dhelit.

Lavarow Koth 12:22 ပူးပေါင်းရင်းမြစ်များ

1 Myghternedh 13:18

Ena ev a leveris dhodho, ‘My yw profoes ynwedh kepar dell os, hag el a gewsis dhymm dre er an Arloedh: Doro ev genes dhe'th chi may teppro boes hag eva dowr.’ Mes yth esa ow kowleverel.

Salmow 120:2

Delirv ow enev, A Arloedh, dhiworth gweusyow gowek, ha dhiworth fals taves.

Salmow 5:6

Ty a dhistru an re a wowlever; an Arloedh a gas an gour goesek ha fals.

Lavarow Koth 11:1

Fals vantol yw tra gasadow dhe'n Arloedh, mes poes ewn yw y dhelit.

Lavarow Koth 11:20

Tus a golonn dreus yw tra gasadow dhe'n Arloedh, mes an re a fordhow divlam yw y dhelit.

Lavarow Koth 15:8

Sakrifis an debeles yw tra gasadow dhe'n Arloedh, mes pysadow an re ewnhynsek yw y dhelit.

Lavarow Koth 17:7

Nyns yw kows fin gwiw dhe foll, hwath dhe le kows gowek dhe bennsevik.

Ysay 9:15

An henavek ha'n den ughel, ev yw an penn, ha'n profoes ow tyski gow, ev yw an lost.

Yeremia 9:24

Mes gesewgh an re a vost dhe vostya yn hemma, ev dhe'm konvedhes hag aswonn, ow bos an Arloedh; a wra tregeredh, gwirvreus, hag ewnder war an nor: rag y'n traow ma my a lowenha, yn-medh an Arloedh.

Ezekiel 13:19

Hwi re'm dhefolas yn mysk ow fobel rag dornasow a heydh ha temmyn a vara, ow ladha enevow na dalsons merwel, hag ow sparya enevow na dalsons bewa, der agas gowleverel dhe'm pobel usi ow koslowes orth gow.

Ezekiel 13:22

Rag hwi re baynyas kolonn an den gwiryon dre wowyow, pan na'n paynis vy, ha nertha diwla tebelwas ma na dreyllyo dhiworth y dhrog fordh dhe sawya y vewnans;

Diskwedhyans 21:8

Mes an ownogyon, ha'n dhiskryjygyon, ha'n re gasadow, ha denledhysi, ha'n re a wra fornikasyon, ha pystrioryon ha gordhyoryon idolys, ha pub gowleveryas a's teves aga rann y'n lynn a lesk gans tan ha loskven, hag yw an nessa mernans.’

Diskwedhyans 22:15

A-ves yma an keun, ha'n bystrioryon, ha'n re a wra fornikasyon ha denladh, ha'n re a wordh idolys, ha pubonan a gar ha gul falsuri.