Lavarow Koth 12:15 - An Bibel Kernewek 20234 (Kernewek Kemmyn)

¹⁵ Fordh den foll yw ewn yn y dhewlagas y honan, mes den fur a woslow orth kusul.

Lavarow Koth 12:15 ပူးပေါင်းရင်းမြစ်များ

Lavarow Koth 1:5

An den fur a woslow hag ynkressya yn dyskans, ha'n den a gonvedhes a gyv kevarwoedhyans;

Lavarow Koth 13:1

Mab fur a woslow orth dyskybleth y das, mes ny woslow skornyer orth keredh.

Lavarow Koth 13:10

Dre donteth ny dheu saw strif, mes gans an re hag a woslow orth kusul yma furneth.

Lavarow Koth 14:12

Yma fordh a hevel ewn dhe wour, mes hy diwedh yw fordhow ankow.

Lavarow Koth 14:16

Den fur yw war hag a dreyl dhiworth droktra, mes an den foll a sorr heb fronn hag yth yw dibreder.

Lavarow Koth 16:2

Oll fordhow gour yw pur yn y dhewlagas y honan, mes an Arloedh a vantol an spyrysyon.

Lavarow Koth 16:25

Yma fordh a hevel bos ewn dhe wour, mes hy diwedh yw an fordh dhe ankow.

Lavarow Koth 19:20

Goslow orth kusul ha degemmer dyskybleth, rag ma' fo furneth rag an termyn a dheu.

Lavarow Koth 21:2

Pub fordh gour yw ewn yn y dhewlagas y honan, mes an Arloedh a vantol an golonn.

Lavarow Koth 26:12

A welydh gour neb yw fur yn y dhewlagas y honan? Yma moy govenek rag foll ages dell eus ragdho.

Lavarow Koth 26:16

An den diek yw furra yn y dhewlagas y honan ages seyth den a worthyp gans doethter.

Lavarow Koth 28:11

An gour rych yw fur yn y dhewlagas y honan, mes an den boghosek ha poellek a yll y dhiskudha.

Lavarow Koth 3:7

Na vydh fur y'th tewlagas dha honan; porth own a'n Arloedh, ha treyl dhiworth drog.

Lavarow Koth 30:12

Yma re yw pur yn aga dewlagas aga honan, mes nyns yns i glanhes a'ga fodredhes.

Lavarow Koth 9:9

Ro dyskans dhe dhen fur hag ev a vydh furra hwath, dysk den gwiryon hag ev a ynkress yn dyskas.

Ekklesiastes 4:13

Gwell yw den yowynk ha boghosek ha fur ages myghtern koth ha foll, neb na vynn koela orth gwarnyans na fella.

Luk 18:11

An Farise a sevis ha pysi yndella orto y honan: “Duw, my a woer gras dhis nag ov vy avel tus erell, ladron, tus gammhynsek, avoutroryon, nag ynwedh avel an toller ma.

Galatianys 6:3

Rag mar tyb neb den y vos neppyth pan nag yw ev travyth, ev a omdoell.