Lavarow Koth 12:14 - An Bibel Kernewek 20234 (Kernewek Kemmyn)

¹⁴ A froeth y anow gour a gyv y walgh a dhader, hag ober diwleuv den a vydh attylys dhodho.

Lavarow Koth 12:14 ပူးပေါင်းရင်းမြစ်များ

Job 34:11

Ev a attal dhe dhen an pyth re wrug, hag a surha gour dhe gavoes an pyth re dhendilas.

Salmow 63:5

Ow enev a vydh kontentys kepar dell ve gans mer ha blonek, ha'm ganow a'th wormel gans diwweus heudhik,

Lavarow Koth 1:31

ytho i a dheber froeth a'ga hyns, ha bos lenwys a'ga thowlow aga honan.

Lavarow Koth 13:2

A froeth y anow gour a dheber dader, mes hwans an re fals yw freudh.

Lavarow Koth 14:14

Den dislen yn y golonn a vydh attylys rag y fordhow, mes gour da a vydh gobrys rag y weythresow.

Lavarow Koth 15:23

Gul gorthyp gwiw yw joy dhe wour, ha ger yn y dermyn, ass yw da!

Lavarow Koth 19:17

Neb yw grassyes orth an voghosogyon a re kendon dhe'n Arloedh, hag ev a re dhodho attal y ober.

Lavarow Koth 24:12

Mar leverydh, ‘Ny'n godhyen’, a ny'n gwel ev neb a boes an kolonnow? A ny'n goer ev neb a with dha enev? A ny attal dhe dhen herwydh y oberow?

Lavarow Koth 5:22

An tebelwas yw maglennys gans y gammweythresow y honan, hag ev a vydh synsys fast yn kerdyn y begh.

Yeremia 17:10

My an Arloedh a hwither an golonn, ha previ an dhiwloneth, dhe ri dhe beub herwydh y fordhow, ha herwydh frut y oberow.

Yeremia 21:14

Mes my a'gas kessydh herwydh frut agas gwriansow, yn-medh an Arloedh; ha my a enow tan yn y goeswik, hag a gowllesk pup-tra a-dro dhodho.

Hosea 4:9

Kepar dell vydh rag an bobel, yndella y fydh rag an oferyas; my a wra aga hessydhya rag aga fordhow, ha'ga gobra rag aga gwriansow.

Matthew 16:27

Rag Mab an den a dal dos yn golewder y Das gans y eledh, hag ena attyli a wra ev dhe bubonan herwydh y ober.

Ebrowyon 11:26

Ev a dybi godhevel tebel dhyghtyans rag an Krist kevoeth moy ages tresoryow Ejyp, rag y fira yn-rag orth an gober.

Ebrowyon 2:2

Rag mars o fyrv an ger kewsys gans an eledh, ha mar tegemmeri pub kammweyth po diwostytter attal ewn,