Lavarow Koth 11:31 - An Bibel Kernewek 20234 (Kernewek Kemmyn)

³¹ Mars yw an den gwiryon rewardys war an norvys, kemmys moy an tebelwas ha'n peghador!

Lavarow Koth 11:31 ပူးပေါင်းရင်းမြစ်များ

2 Samuel 22:21

An Arloedh re'm gobras war-lergh ow ewnder; war-lergh glander ow diwleuv yth attylis ev dhymm.

2 Samuel 22:25

An Arloedh re attylis dhymm herwydh ow ewnder, herwydh glander ow diwleuv yn y wolok ev.

1 Myghternedh 13:24

Ena dell eth yn-mes, lew a'n metyas war an fordh ha'y ladha. Y gorf a veu tewlys y'n fordh, ha'n asen a sevis rybdho; ha'n lew ynwedh a sevis ryb an korf.

Lavarow Koth 12:1

Neb a gar dyskybleth a gar godhvos, mes neb a gas keredh yw talsogh.

Lavarow Koth 13:21

Anfeus a hol peghadoryon, mes sewena a re pewas dhe'n re wiryon.

Lavarow Koth 26:10

Avel sether neb a woli pub huni yw neb a arveth foll po penn-medhow usi tremena.

Ysay 13:11

My a gessydh an norvys rag y dhroktra, ha'n debeles rag aga sherewynsi. My a wra dhe woeth an re orgelus sessya, hag uvelhe balghder turans.

Ysay 3:11

Go-ev an tebelwas, drog a'n jevydh; drefenn war-lergh ober y dhiwleuv y fydh gwrys dhodho ev.

Yeremia 25:29

Otta, yth esov ow talleth dri drogedh war an sita may feu ow hanow gelwys warnedhi, hag a vydhowgh digeredh yn tien? Ny vydhowgh digeredh, rag yth esov ow kelwel kledha erbynn oll annedhysi an nor, yn-medh Arloedh an luyow.

Ezekiel 44:10

Mes an Levysi, an re yw gyllys pell dhiworthiv, ow mos yn sowdhan dhiworthiv war-lergh aga idolys pan eth Ysrael yn sowdhan – i a berth aga hessydhyans.

Hosea 4:9

Kepar dell vydh rag an bobel, yndella y fydh rag an oferyas; my a wra aga hessydhya rag aga fordhow, ha'ga gobra rag aga gwriansow.