Lavarow Koth 11:29 - An Bibel Kernewek 20234 (Kernewek Kemmyn)

²⁹ Neb a dhre trobel war y deylu a erit gwyns, ha'n den foll a vydh gwas dhe'n den fur.

Lavarow Koth 11:29 ပူးပေါင်းရင်းမြစ်များ

Jenesis 34:30

Hag yn-medh Yakob dhe Simeon ha Levi, ‘Hwi re dhros anfeusi warnav, ow kul dhymm flerya yn mysk trigoryon an pow, yn mysk an Kananysi ha'n Perizzysi. Boghes yw niver ow thus vy, hag i a vydh kuntellys war-barth er ow fynn ha'm diswul; ha my ha'm chi a vydh distruys.’

Lavarow Koth 14:19

An debeles a ombleg a-rag an re dha, ha'n debeles orth yetow an den gwiryon.

Lavarow Koth 15:27

Neb yw kraf war-lergh gwayn anewn a wra trobel rag y deylu, mes neb a gas falswobrow a vew.

Ekklesiastes 5:16

Hemm yw anfeus arall – kepar dell dheuth, yndella yth a. Pandr'yw an gwayn dhe neb a ober rag an gwyns?

Hosea 8:7

I re hasas an gwyns, ha mysi an korwyns. Garrow an ys ny's teves penn; ny wra bleus. Mar kwrello greun, ena estrenyon a wra y lenki.

1 Samuel 25:17

Lemmyn rakhenna godhvydh ha preder pandr'a wredh; rag drog re beu ervirys erbynn agan mester hag erbynn oll y ji; rag ev yw mab Belial ha ny yll denvyth kewsel orto.’

1 Samuel 25:3

Hanow an gour o Nabal, ha hanow y wreg Abigayl. An venyn o da hy honvedhes ha teg hy semlans, mes an gour o den kales ha drogoberer; ev o Kalebyas.

1 Samuel 25:38

A-dro dhe dheg dydh a-wosa, an Arloedh a weskis Nabal, hag ev a verwis.