Lavarow Koth 11:28 - An Bibel Kernewek 20234 (Kernewek Kemmyn)

²⁸ Neb a drest yn y rychys a goedh, mes an re wiryon a sewen avel del glas.

Lavarow Koth 11:28 ပူးပေါင်းရင်းမြစ်များ

Salmow 1:3

Ev a vydh avel gwydhenn plynsys ryb goverow dowr, ow ri hy frut yn hy seson, ha ny wedher hy del. Hag yn pup-tra a wra, ev a sewen.

Salmow 49:6

I a drest yn aga fythow hag a vost yn braster aga rychys.

Salmow 62:10

Na drestyewgh yn garowder, ha na fydhyewgh yn euver yn ladrans; mar moghha rychys, na worrewgh agas kolonn warnodho.

Lavarow Koth 10:15

Pyth den rych yw y sita grev, boghosogneth an voghosogyon yw aga diswrians.

Ysay 60:21

Oll dha bobel a vydh gwiryon hag i a erit an tir bys vykken. I yw skyllenn a blensis, ober ow diwla, dhe dhiskwedhes ow glori.

Yeremia 17:8

Rag ev a vydh avel gwydhenn plynsys ryb dowr, ow lesa hy gwreydh ryb an dowrhyns, mes ny berth own pan dheu an toemmder, mes hy delyow a vydh glas; hag yn blydhen syghor ny'n jevydh fienasow, na ny hedh a dhoen frut.

Luk 12:20

Mes Duw a leveris dhodho, “Ty foll, haneth y'n nos dha enev a vydh rekwirys dhiworthis; ha'n pythow a bareussys, piw dhodho y fydhons?”

1 Timothi 6:17

Gorhemmynn dhe'n dus yw rych y'n bys ma na vons i goethus na trestya yn rychys nag yw sur, mes yn Duw, a brof dhyn pup-tra yn rych dhe wul devnydh 'vas anodho.