Lavarow Koth 11:20 - An Bibel Kernewek 20234 (Kernewek Kemmyn)

²⁰ Tus a golonn dreus yw tra gasadow dhe'n Arloedh, mes an re a fordhow divlam yw y dhelit.

Lavarow Koth 11:20 ပူးပေါင်းရင်းမြစ်များ

1 Kroniklys 29:17

My a woer, ow Duw, ty dhe brevi an golonn, ha dhe lowenhe yn ewnhynseth. Yn gwiryonsys ow holonn y res vy a'm bodh oll an taklow ma. Ha lemmyn my re welas dha bobel usi omma ow ri dhis a'ga bodh yn lowen.

Salmow 101:4

Kolonn dreus a dhiberth dhiworthiv; ny vynnav aswonn tebelwas.

Salmow 11:7

Rag an Arloedh yw gwiryon, ev a gar ewnder; an den ewnhynsek a wel y fas.

Salmow 119:1

Gwynnvys an re yw heb namm y'n fordh, hag a gerdh yn lagha an Arloedh.

Salmow 140:13

Sur, an re wiryon a woer gras dhe'th hanow; an re ewnhynsek a drig a-dheragos.

Salmow 51:6

Otta, hwansek osta dhe wirder y'n rannow a-bervedh, hag yn-dann gel ty a dhysk dhymm furneth.

Lavarow Koth 11:21

Bydh sur, ny vydh tebelwas heb kessydhyans, mes an re wiryon a vydh delivrys.

Lavarow Koth 12:22

Gweusyow gowek yw tra gasadow dhe'n Arloedh, mes an re a omdheg yn lel yw y dhelit.

Lavarow Koth 13:6

Ewnder a with neb yw divlam y fordh, mes sherewynsi a dhomhwel an peghador.

Lavarow Koth 14:9

Fellyon a wra ges a amendya kammweyth, mes yn mysk an re ewnhynsek yma favour.

Lavarow Koth 15:26

Tybyansow an tebelwas yw tra gasadow dhe'n Arloedh, mes geryow grassyes yw plegadow dhodho.

Lavarow Koth 15:8

Sakrifis an debeles yw tra gasadow dhe'n Arloedh, mes pysadow an re ewnhynsek yw y dhelit.

Lavarow Koth 16:17

Fordh-veur an dus ewnhynsek a dreyl dhiworth drog; neb a woel war y fordh a with y enev.

Lavarow Koth 21:29

An drog wour yw tont y semlans, mes an den ewnhynsek a breder y fordhow.

Lavarow Koth 3:32

rag an den gorth yw tra gasadow dhe'n Arloedh, mes yma y gevrin gans an re ewnhynsek.

Lavarow Koth 6:14

gans kolonn dreus ev a dhevis droktra, pup-prys ow hasa kedrynnow.

Lavarow Koth 8:13

Own an Arloedh yw kasa; goeth ha balghder ha'n fordh a dhroktra ha kows treus a gasav.

Lavarow Koth 9:7

Neb a reprev skornyer a'n jeves despit, ha neb a geredh drogoberer a berth pystik.