Lavarow Koth 10:9 - An Bibel Kernewek 20234 (Kernewek Kemmyn)

⁹ Neb a gerdh yn tivlam a gerdh yn sawder, mes neb a siw hynsyow kamm a vydh diskudhys.

Lavarow Koth 10:9 ပူးပေါင်းရင်းမြစ်များ

Jenesis 17:1

Ha pan o Abram nownsek bloedh ha peswar-ugens, an Arloedh a omdhiskwedhas dhe Abram ha leverel dhodho, ‘Duw Ollgalloesek ov vy. Kerdh a-dheragov, ha bydh divlam.

Job 8:20

‘Otta, ny skon Duw den divlam, na ny dhalghenn leuv drogoberoryon.

Salmow 23:4

Ha kyn kerdhav dre nans skeus ankow, ny borthav own a dhrog; rag yth esos genev; dha welenn ha'th lorgh a'm hebaskha.

Salmow 25:21

Re'm gwittho perfydhder ha gwiryonsys, rag my a hwila skovva ynnos jy.

Salmow 84:11

Rag an Arloedh Duw yw howl ha skoes; an Arloedh a re ras ha golewder, ha ny skon ev a ri dader vytholl dhe'n re a gerdh yn tivlam.

Lavarow Koth 17:20

Ny sewen den a golonn gamm, ha den ha dhodho taves treus a goedh yn anfeus.

Lavarow Koth 26:26

Kynth yw y gas kudhys gans gil, y dhroktra a vydh diskudhys y'n kuntelles.

Lavarow Koth 28:1

An debeles a fi dhe'n fo pan nag eus helghyas, mes an re wiryon yw maga hardh avel lew.

Lavarow Koth 28:18

Neb a gerdh yn tivlam a vydh saw, mes neb a hol fordhow kamm a goedh yn pytt.

Lavarow Koth 3:23

Ena ty a gerdh war dha fordh yn sawder, ha ny drebuch dha droes.

Matthew 10:26

‘Rakhenna na berthewgh own anedha; rag nyns eus travyth kudhys na vo diskudhys, po kelys na vo aswonnys.

1 Korinthianys 4:5

Na vreusewgh travyth, ytho, kyns an ewn-dermyn may teffo an Arloedh, neb a wra golowi traow kudhys y'n tewlder keffrys diskwedhes kusulyow an golonn; hag y'n eur na kettep onan a wra kavoes y wormola dhiworth Duw.

1 Timothi 5:25

Y'n keth vaner, fest diblans yw gwriansow da, ha hwath an re nag yw yndella ny yllons bos kudhys.