Lavarow Koth 10:7 - An Bibel Kernewek 20234 (Kernewek Kemmyn)

⁷ Kovadh an den gwiryon yw bennath, mes hanow an debeles a boder.

Lavarow Koth 10:7 ပူးပေါင်းရင်းမြစ်များ

1 Myghternedh 11:36

Mes dh'y vab my a re unn loeth, ma'n jevydh prest ow gwas Davydh lugarn a-ragov yn Yerusalem, an sita may tewisis vy gorra ow hanow ynni.

2 Myghternedh 19:34

My a vydh skoes dhe'n sita ma dh'y sawya a-barth dhymmo vy hag a-barth Davydh ow gwas.’

2 Kroniklys 24:16

I a'n ynkleudhyas yn sita Davydh gans an vyghternedh, drefenn ev dhe wul da yn Ysrael, hag a-barth Duw ha'y ji.

2 Kroniklys 32:33

Hezekia a goskas gans y dasow, hag i a'n ynkleudhyas war an fordh yn-bann dhe vedhow mebyon Davydh, hag oll Yuda ha trigoryon Yerusalem a ros dhodho enor yn y vernans. Y vab Manasse a reynyas yn y le.

Job 18:17

Kov anodho a dhe goll dhiworth an norvys, ha ny vydh hanow dhodho y'n stret.

Job 24:20

An dorr a'n ankev, hweg yw dhe'n gontron; ny berthir kov anodho na fella; ytho kammhynseth yw terrys kepar ha gwydhenn.”

Job 27:23

An gwyns a dak y dhiwla er y bynn yn ges ha hwibana orto yn-mes a'y le.

Salmow 109:13

Bedhes y linyeth diwreydhys, ha bedhes y hanow defendys dhe-ves y'n henedh a siw.

Salmow 109:15

Bedhens i prest a-dherag an Arloedh, rag may torro dhe-ves aga hovadh dhiworth an norvys;

Salmow 112:6

Rag ny wra ev trebuchya bynitha; an den gwiryon a vydh synsys yn kov bys vykken.

Salmow 34:16

Yma fas an Arloedh erbynn an re a wra drog, dhe gisya aga hovadh dhiworth an norvys.

Salmow 34:17

An re wiryon a arm, ha'n Arloedh a glew, ha'ga delivra dhiworth aga ankenyow oll.

Salmow 41:5

Ow eskerens a lever drog er ow fynn: ‘P'eur ferow ev, ha'y hanow a dhe goll?

Lavarow Koth 22:1

Hanow mas yw gwell ages pythow meur, ha favour da ages arghans po owr.

Ekklesiastes 8:10

Hag ena my a welas debeles ynkleudhys neb a wre dos y'n tyller sans ha mos yn-mes anodho, ha gormelys vons y'n sita may hwrussons yndella. Hemma ynwedh yw euveredh.

Ysay 14:22

My a sev er aga fynn, yn-medh Arloedh an luyow, ha treghi dhiworth Babylon hanow ha remenant, agh ha linyeth, yn-medh an Arloedh.

Yeremia 17:13

A Arloedh, govenek Ysrael, peub a'th forsak a vydh methek, ha'n re a dreyl a-dhiworthiv a vydh skrifys y'n dor, drefenn i dhe forsakya fenten an dowrow bew, an Arloedh.

Mark 14:9

Hag yn hwir y lavarav dhywgh, py le pynag may fo pregewthys an aweyl yn oll an bys, an pyth re wrug hi a vydh derivys yn kovadh anedhi.’

Luk 1:48

rag ev re viras war uvelder y vaghteth. Rag otta, alemma rag oll an henedhow a'm gelow gwynnvys;