Lavarow Koth 10:28 - An Bibel Kernewek 20234 (Kernewek Kemmyn)

²⁸ Govenek an re wiryon a dhiwedh yn lowender, mes govenek an debeles a dhe goll.

Lavarow Koth 10:28 ပူးပေါင်းရင်းမြစ်များ

Job 11:20

Mes dewlagas an debeles a fyll; ha ny vydh fordh dhe dhiank ragdha, ha'ga govenek a vydh anella aga anall dhiwettha.’

Job 8:13

Yndella yw hynsyow kemmys a ankev Duw; govenek an den didhuw a dhe goll.

Salmow 112:10

An tebelwas a'n wel, hag yw serrys; ev a skrynk ha teudhi dhe-ves; mynnas an debeles a dhe goll.

Salmow 16:9

Rakhenna heudhik yw ow holonn, ha'm enev a lowenha, ha'm kig ynwedh a drig yn sawder.

Salmow 68:4

Kenewgh dhe Dhuw, kenewgh gormola dh'y hanow ev; drehevewgh kan dhe neb a varghok war an nevow; an Arloedh yw y hanow; bedhewgh heudhik a-dheragdho.

Lavarow Koth 11:23

Hwans an re wiryon a dhiwedh pup-prys yn dader, govenek an debeles yn sorr.

Lavarow Koth 11:7

Pan verow tebelwas, y wovenek a dheu dhe goll, ha govenek an re dhidhuw a dheu dhe vann.

Lavarow Koth 14:32

An tebelwas yw domhwelys der y dhroktra, mes an den gwiryon a'n jeves harber yn y lander.

Lavarow Koth 29:6

Yn offens an tebelwas yma antell, mes an den gwiryon a gan hag a lowenha.

Romanyon 12:12

yn govenek ow lowenhe, yn galar ow tiskwedhes perthyans, ow pesya yn tiwysyk yn pysadow,

Romanyon 15:13

Re'gas lanwo an Duw a wovenek a bub lowender hag a gres yn krysi, rag may palshahowgh yn govenek dre alloes an Spyrys Sans.

Romanyon 5:2

ma'gan beus dredho entra dre fydh dhe'n gras may sevyn ynno ha ni a vost yn agan govenek may kevrennyn golewder Duw.

2 Thessalonianys 2:16

Ha'gan Arloedh Yesu Krist y honan, ha Duw agan Tas, a wrug agan kara ha ri dhyn konfort heb worfenn ha govenek da dre ras,