Lavarow Koth 10:19 - An Bibel Kernewek 20234 (Kernewek Kemmyn)

¹⁹ Pan vo geryow pals, ny fyll kammweythres, mes neb a fronn y dhiwweus yw doeth.

Lavarow Koth 10:19 ပူးပေါင်းရင်းမြစ်များ

Job 11:2

‘A dal an niver bras ma a eryow bos heb gorthyp, ha gour leun a gows bos justifiys?

Salmow 39:1

Yn-medhav, ‘My a with ow fordhow rag na begghiv gans ow thaves; my a with ow ganow gans fronn hedre vo an tebelwas y'm gwel.’

Lavarow Koth 11:12

Neb a dhispres y gentrevek a fyll a skians, mes gour a gonvedhes a bes tawesek.

Lavarow Koth 11:13

Neb a gerdh a-derdro avel hwedhler a dhiskudh kevrinyow, mes neb yw lel yn spyrys a with tra yn kudhys.

Lavarow Koth 12:23

Den doeth a gudh y wodhvos, mes brys fellyon a dhyllo aga follneth.

Lavarow Koth 18:21

Yma mernans ha bewnans yn galloes an taves, ha keniver a'n karro a dheber y froeth.

Ekklesiastes 5:1

Pan edh dhe ji Duw, ke war dha gamm. Deus nes dhe woslowes a-der offra sakrifis kepar dell wra fellyon, drefenn na wodhons i dhe gammwul.

Ekklesiastes 5:2

Na wra dhe'th tiwweus fyski, na wra dhe'th kolonn fistena ow tri ger a-dherag Duw, drefenn bos Duw y'n nev ha ty y'n nor; rakhenna bedhens boghes dha eryow.

Ekklesiastes 5:3

Kepar dell dheu hunrosow pan eus meur a fienasow, yndella y teu foll tavosek pan eus lies ger.

Jamys 1:19

Godhvydhewgh hemma, ow breder veurgerys. Bedhes pub den skav dhe glewes, lent dhe gewsel, lent dhe serri.

Jamys 3:2

Pubonan ahanan a gammwra yn lies tra. Den mar ny gammwra yn y lavar, gour perfydh yw hemma, hag ev a yll fronna an korf dien ynwedh.