Lavarow Koth 10:13 - An Bibel Kernewek 20234 (Kernewek Kemmyn)

¹³ Yma furneth kevys war dhiwweus neb a'n jeves konvedhes, mes yma gwelenn rag keyn neb na'n jeves skentoleth.

Lavarow Koth 10:13 ပူးပေါင်းရင်းမြစ်များ

Salmow 32:9

Na vedhewgh kepar ha'n margh na'n mul, heb konvedhes, res yw dhedha bos synsys gans genva ha fronn, ma na dheffons ogas dhis.

Salmow 37:30

Ganow an den gwiryon a lever furneth, ha'y daves a gews a wirvreus.

Eksodus 10:12

Ena an Arloedh a leveris dhe Moyses, ‘Ystynn dha dhorn dres pow Ejyp rag an lokustes, may teffons war bow Ejyp, ha dybri pub plans y'n tir, peub a veu gesys gans an keser.’

Lavarow Koth 10:21

Dhiwweus an den gwiryon a vag lies, mes fellyon a verow rag fowt skians.

Lavarow Koth 10:31

Ganow an den gwiryon a dheg furneth, mes an taves gorth a vydh treghys dhe-ves.

Lavarow Koth 15:23

Gul gorthyp gwiw yw joy dhe wour, ha ger yn y dermyn, ass yw da!

Lavarow Koth 15:7

Diwweus an re fur a les godhvos, mes ny wra kolonn fellyon yndella.

Lavarow Koth 16:21

An den fur y golonn yw henwys den poellek, ha hwekter an dhiwweus a ynkress dyskans.

Lavarow Koth 17:10

Yth a keredh downa yn den a gonvedhes ages kans strekys yn foll.

Lavarow Koth 19:29

Dampnyans yw parys rag skornyoryon, ha skorjya rag keyn fellyon.

Lavarow Koth 20:15

Yma owr, ha gemmow pals; mes an dhiwweus a wodhvos yw jowel drudh.

Lavarow Koth 26:3

Hwypp rag margh, fronn rag asen, ha gwelenn rag keyn fellyon.

Lavarow Koth 27:22

Mar prewydh den foll yn morter war-barth gans greun barlys gans hordh brewi, nyns a y follneth dhiworto.

Lavarow Koth 6:32

Neb a wra avoutri gans benyn yw diboell; neb a'n gwra a omdhistru.

Lavarow Koth 7:22

Distowgh ev a's hol, par dell a an ojyon dhe'n ladhva, po dell yw karow synsys fast yn maglenn

Ysay 50:4

An Arloedh Duw re ros dhymm taves an re yw dyskys, rag may hwodhviv fatell sostenav gans ger an den skwith. Myttin ha myttin ev a dhifun, ev a wra dhe'm skovarn difun rag goslowes kepar ha'n re yw dyskys.

Luk 4:22

Hag yth esens i oll ow tustunia a-dro dhodho, ha marth a's tevo a'n geryow a ras a dheuth a'y anow, hag yn-medhons, ‘A nyns yw hemma mab Yosep?’