Lavarow Koth 1:5 - An Bibel Kernewek 20234 (Kernewek Kemmyn)

⁵ An den fur a woslow hag ynkressya yn dyskans, ha'n den a gonvedhes a gyv kevarwoedhyans;

Lavarow Koth 1:5 ပူးပေါင်းရင်းမြစ်များ

2 Kroniklys 25:16

Mes hag ev ow kewsel an myghtern a leveris dhodho, ‘A'th wrussyn kusulyador ryel? Hedh! Prag y tegoedh ty dhe vos ledhys?’ An profoes a hedhis, mes y leveris, ‘My a woer Duw dhe ervira dha dhistrui, drefenn ty dhe wul hemma ha drefenn na woslewsys orth ow husul.’

Job 34:10

‘Rakhenna goslowewgh orthiv, hwi wer a gonvedhes, pell bedhes dhiworth Duw ev dhe wul drog, dhiworth an Ollgalloesek ev dhe wul kamm.

Job 34:16

‘Mars eus konvedhes dhis, klew hemma; goslow orth an pyth a lavarav.

Job 34:2

‘Klewewgh ow geryow, hwi dus fur, ha goslowewgh orthiv, hwi dus skentel;

Job 34:34

Gwer a gonvedhes a lever dhymm, ha gour fur neb a glew a lever dhymm,

Lavarow Koth 12:1

Neb a gar dyskybleth a gar godhvos, mes neb a gas keredh yw talsogh.

Lavarow Koth 14:6

Skornyer a hwila furneth ha ny's gyv, mes godhvos yw es rag den a gonvedhes.

Lavarow Koth 18:15

Brys poellek a gyv godhvos, ha skovarn tus fur a hwila godhvos.

Lavarow Koth 19:25

Gwask skornyer ha'n den sempel a dhysk doethter; keredh den a gonvedhes, hag ev a'n jevydh godhvos.

Lavarow Koth 21:11

Pan gessydhir an skornyer, an den sempel a dheu ha bos fur; pan dhyskir an den fur, ev a dhegemmer godhvos.

Lavarow Koth 8:33

Klewewgh dyskans ha bedhewgh fur, ha na wrewgh y nagha.

Lavarow Koth 9:8

Na geredh skornyer poken ev a'th kas; keredh den fur hag ev a'th kar.

Lavarow Koth 9:9

Ro dyskans dhe dhen fur hag ev a vydh furra hwath, dysk den gwiryon hag ev a ynkress yn dyskas.

Ekklesiastes 9:11

My a dreylyas dhe weles yn-dann an howl nag yw pup-prys an resegva gwaynys gans an re yw skav, ha nag yw pup-prys an gas gwaynys gans an re yw galloesek, ha nag eus bara dhe'n re yw fur, ha nag eus rychys dhe'n re yw skentel, ha nag eus gras dhe'n re yw sleygh, drefenn bos ha termyn ha chons ow hwarvos dhedha i oll.

1 Korinthianys 10:15

My a gews orthowgh, tus fur dell owgh; gwrewgh hwyhwi breusi an pyth a lavarav.

Dewteronomi 4:6

Gwaytyewgh dh'aga gul, rag hemm yw agas furneth ha'gas konvedhes a-wel dhe'n bobel neb a glew oll an ordenansow ma, ha neb a lever, ‘Yn hwir an genedhel vras ma yw pobel fur ha dhedhi konvedhes.’