Kynvannow 5:21 - An Bibel Kernewek 20234 (Kernewek Kemmyn)

²¹ Gwra agan restorya dhis, A Arloedh, may tehwellyn; nowydhha agan dydhyow kepar dell vons seuladhydh –

Kynvannow 5:21 ပူးပေါင်းရင်းမြစ်များ

Salmow 80:3

Treyl ni arta, a Dhuw; gwra dhe'th fas golowi, ha ni a vydh selwys.

Salmow 80:7

Treyl ni arta, A Dhuw an luyow; gwra dhe'th fas golowi, ha ni a vydh selwys.

Salmow 85:4

Treyl ni, A Dhuw agan selwyans, ha gas dha sorr orthyn.

Yeremia 31:18

Yn hwir my re glewas Efraym ow pledya: ‘Ty a'm kessydhyas, ha my a gemmeras an geredh, avel lodhen na veu dyskys dhe'n yew. Treyl dhymm, ha my a vydh treylys, rag ty yw an Arloedh ow Duw.

Salmow 80:19

Treyl ni arta, A Arloedh, Duw an luyow; gwra dhe'th fas golowi, ha ni a vydh selwys.

Habakkuk 3:2

A Arloedh, my re glewas derivas ahanas, my re borthas own, A Arloedh, a'th ober; yn mysk an blydhynyow gas ev dhe dhasvewa, yn mysk an blydhynyow gas ev dhe vos godhvedhys; yn sorr porth kov a druedh.

Ezekiel 36:37

Yndellma y lever an Arloedh Duw: Ynwedh my a as dhe ji Ysrael govynn orthiv dhe wul hemma ragdha: dhe voghhe aga thus kepar ha flokk.

Yeremia 33:13

Yn sitys an vro venydhyek, hag yn sitys an Shefela, hag yn sitys an Negeb, yn pow Benyamin, hag y'n tylleryow a-dro dhe Yerusalem, hag yn sitys Yuda, an flokkys a dremen arta yn-dann leuv an den a's niver, yn-medh an Arloedh.

Yeremia 33:10

Yndellma y lever an Arloedh: Y'n tyller ma may leverowgh, ‘Ynyal yw heb den na best’, yn sitys Yuda hag yn stretow Yerusalem hag yw ynyal, heb den, ha heb annedhyas, ha heb best, y fydh klewys unnweyth arta

Yeremia 31:4

Arta my a'th trehav, ha ty a vydh drehevys, A wyrghes Ysrael! ty a vydh tekhes arta gans dha dabourigow, ha mos yn-rag yn dons an re lowen.

1 Myghternedh 18:37

Gorthyp dhymm, A Arloedh, gorthyp dhymm, mayth aswonno an bobel ty, A Arloedh, dhe vos Duw, ha ty dhe dreylya aga holonn arta war dhe lergh.’

Malaki 3:4

An offrynn a Yuda ha Yerusalem a vydh plegadow dhe'n Arloedh, kepar hag y'n dydhyow koth, ha kepar hag yn blydhynyow kyns.

Ysay 60:20

Ny sedh dha howl byth moy, na ny leha dha loer; ha diwedha a wra dydhyow dha gynvann; an Arloedh a vydh dhis golow bys vykken, ha dydhyow dha gynvann a dheu dhe dhiwedh.

Yeremia 30:20

Aga mebyon a vydh avel kyns, ha'ga huntelles a vydh fastys a-ragov, ha my a gessydh kemmys a's arwask.